Bangkok pub fire : થાઈલેન્ડની રાજધાની બેંગકોકમાંથી એક અત્યંત દુઃખદ અને મોટા સમાચાર સામે આવી રહ્યા છે. સોમવારે વહેલી સવારે બેંગકોકના એક પબમાં અચાનક ભીષણ આગ ફાટી નીકળી હતી. આ હૃદયદ્રાવક ઘટનામાં 27 લોકોના કરુણ મોત નિપજ્યા છે, જ્યારે 63 જેટલા લોકો ગંભીર રીતે ઘાયલ થયા હોવાના અહેવાલ છે. સોશિયલ મીડિયા પર આ દુર્ઘટનાના કેટલાક ભયાનક વીડિયો પણ વાયરલ થઈ રહ્યા છે.
બેંગકોકના પબમાં ભીષણ આગથી હાહાકાર, 27 લોકોના જીવતા ભૂંજાયા- 63 ગંભીર રીતે ઘાયલ
થાઈલેન્ડની રાજધાની બેંગકોકના એક પબમાં મોડી રાત્રે ભીષણ આગ લાગતા 27 લોકોના કરુણ મોત નિપજ્યા છે અને 63 લોકો ગંભીર રીતે ઘાયલ થયા છે. આગનો ભયાનક વિડીયો સામે આવ્યો છે. વાંચો લેટેસ્ટ અપડેટ.
અપડેટેડ 10:18:55 AM Jul 13, 2026 પર
આ ગંભીર દુર્ઘટના અંગે થાઈલેન્ડના વડાપ્રધાન અનુતિન ચર્નવિરાકુલે ઘટનાસ્થળે પહોંચીને મીડિયાને માહિતી આપી હતી. તેમણે પુષ્ટિ કરી છે કે,, આ દુર્ઘટનામાં 27 લોકોએ જીવ ગુમાવ્યા છે.
અડધા કલાકમાં જ આગ પર કાબૂ
અધિકારીઓએ આપેલી માહિતી મુજબ, આગ લાગવાની આ દુર્ઘટના સોમવારે મધ્યરાત્રિની આસપાસ બની હતી. પબમાં અચાનક આગ લાગતા લોકોમાં ભારે નાસભાગ મચી ગઈ હતી.ઘટનાની જાણ થતાં જ ફાયર બ્રિગેડની ટીમો તાત્કાલિક ઘટનાસ્થળે પહોંચી ગઈ હતી. ફાયર ફાઈટર્સને આગ પર કાબૂ મેળવવામાં લગભગ અડધો કલાકનો સમય લાગ્યો હતો. જોકે, આગ એટલી ભયાનક હતી કે ત્યાં સુધીમાં મોટું નુકસાન થઈ ચૂક્યું હતું. આગ ઓલવાયા બાદ સામે આવેલી તસવીરોમાં પબની અંદરના ટેબલ, ખુરશીઓ અને ઈન્ટીરિયર સંપૂર્ણપણે બળીને ખાખ થઈ ગયેલું જોવા મળે છે.
જીવ બચાવવા દોડતા લોકોનો વીડિયો વાયરલ
સોશિયલ મીડિયા પર વાયરલ થયેલા વીડિયોમાં સ્પષ્ટ જોઈ શકાય છે કે બેંગકોકના ઉત્તરીય ભાગમાં આવેલા આ પબના મુખ્ય દરવાજામાંથી આગની ભયંકર જ્વાળાઓ અને કાળા ધુમાડાના ગોટેગોટા આસમાનમાં ઉડી રહ્યા છે. આ વાયરલ વીડિયોમાં કેટલાક લોકો પોતાનો જીવ બચાવવા માટે પબમાંથી બહારની તરફ ભાગવાનો પ્રયાસ કરતા પણ જોવા મળે છે.
થાઈલેન્ડના વડાપ્રધાનનું નિવેદન
આ ગંભીર દુર્ઘટના અંગે થાઈલેન્ડના વડાપ્રધાન અનુતિન ચર્નવિરાકુલે ઘટનાસ્થળે પહોંચીને મીડિયાને માહિતી આપી હતી. તેમણે પુષ્ટિ કરી છે કે,, આ દુર્ઘટનામાં 27 લોકોએ જીવ ગુમાવ્યા છે. અન્ય તમામ 63 ઈજાગ્રસ્તોને તાત્કાલિક સારવાર માટે નજીકની હોસ્પિટલોમાં ખસેડવામાં આવ્યા છે. હાલમાં પબમાં આગ કયા કારણોસર લાગી તેની સઘન તપાસ ચાલી રહી છે.
23.57 น. รับแจ้งจากสายด่วน 199 เหตุเพลิงไหม้ภายในร้านอาหาร ใกล้เคียงซอยลาดพร้าว 1 ถนนลาดพร้าว แขวงจอมพล เขตจตุจักร เจ้าหน้าที่สถานีดับเพลิงและกู้ภัยสุทธิสาร กำลังไปที่เกิดเหตุ สถานที่เกิดเหตุ pic.twitter.com/Tw6EPb7fhS
— JS100Radio (@js100radio) July 12, 2026
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
