નેપાળની કરન્સી હવે ચીનના હાથમાં.. 1000 રૂપિયાના નોટની છપાઈ માટેનો આપ્યો કોન્ટ્રાક્ટ, 430 મિલિયન નોટો છાપશે

Nepal note printing: નેપાળમાં ચીની પ્રભાવ વધુ મજબૂત થયો છે. નેપાળ રાષ્ટ્ર બેંક (NRB)એ ચીનની સ્ટેટ-ઓન્ડ કંપની ચાઇના બેંકનોટ પ્રિન્ટિંગ એન્ડ મિન્ટિંગ કોર્પોરેશનને 1000 રૂપિયાના નોટ છાપવાનો મોટો કોન્ટ્રાક્ટ આપ્યો છે. આ કોન્ટ્રાક્ટમાં 430 મિલિયન નોટનું ડિઝાઇન, છપાઈ, સપ્લાય અને ડિલિવરીનું કામ સામેલ છે.

બેંકના અધિકારીઓએ આ માહિતી આપી. NRBએ શુક્રવારે આ કંપનીને લેટર ઓફ ઇન્ટેન્ટ જારી કર્યું હતું. આ પ્રોજેક્ટની કુલ કિંમત 16.985 મિલિયન અમેરિકન ડોલર નક્કી થઈ છે. કંપનીએ સૌથી ઓછી બિડ ભરીને આ કોન્ટ્રાક્ટ મેળવ્યો છે, જેના કારણે તેને પસંદગી મળી.

આ કંપની પહેલાંથી જ નેપાળની અન્ય નોટો છાપી ચૂકી છે. તેમણે 5 રૂપિયા, 10 રૂપિયા, 100 રૂપિયા અને 500 રૂપિયાના નોટની છપાઈ કરી છે. છેલ્લા ત્રણ વર્ષમાં આ ચીની કંપનીએ નેપાળની બેંકનોટ છપાઈના સાત કોન્ટ્રાક્ટ જીત્યા છે, જેનાથી તેનું મોનોપોલી જેવું સ્થાન બન્યું છે.

આ ડેવલપમેન્ટ નેપાળની આર્થિક સ્વાવલંબન અને આંતરરાષ્ટ્રીય સંબંધો પર અસર કરી શકે છે. નેપાળે પહેલાં ઇન્ડોનેશિયા, ફ્રાન્સ અને ઓસ્ટ્રેલિયાની કંપનીઓ પાસેથી નોટ છપાવ્યા હતા, પરંતુ ચીની કંપનીની ઓછી કિંમતને કારણે તે વધુ પસંદ થઈ રહી છે. આ કોન્ટ્રાક્ટથી નેપાળને લાખો ડોલરની બચત થશે.

આ પણ વાંચો- દેશમાં મોટા આતંકી હુમલાનું ષડયંત્ર નિષ્ફળ: ફરીદાબાદમાં ડૉક્ટરના રૂમમાંથી 300 કિલો RDX અને AK-47 જપ્ત, 3 ડૉક્ટરોની સંડોવણી