ખુલી ગયું રહસ્ય! પુતિન અને PM મોદીની કારમાં થયેલી ગુપ્ત વાતચીતનો ખુલાસો, જાણો શું થઈ હતી વાત

Putin Modi car conversation: ચીનમાં યોજાયેલા SCO શિખર સંમેલન દરમિયાન ભારતના વડાપ્રધાન નરેન્દ્ર મોદી અને રશિયાના રાષ્ટ્રપતિ વ્લાદિમીર પુતિનની કારમાં સાથેની મુલાકાતે વિશ્વભરમાં ચર્ચા જગાવી હતી. બંને નેતાઓએ લગભગ 50 મિનિટ સુધી એકબીજા સાથે વાતચીત કરી, પરંતુ આ ચર્ચાનો વિષય શું હતો તે અંગે કોઈ સ્પષ્ટતા નહોતી. હવે રશિયન રાષ્ટ્રપતિ પુતિને આ ગુપ્ત વાતચીતનું રહસ્ય ખોલ્યું છે.

પુતિન અને મોદીની વાતચીતનો વિષય

રશિયન સમાચાર એજન્સી TASSના અહેવાલ મુજબ, ચીનમાં એક પ્રેસ કોન્ફરન્સ દરમિયાન પુતિને જણાવ્યું, "આ કોઈ રહસ્ય નથી. મેં PM મોદીને અલાસ્કામાં અમેરિકી રાષ્ટ્રપતિ ડોનાલ્ડ ટ્રમ્પ સાથે થયેલી મીટિંગ વિશે વાત કરી." આ મીટિંગ યુક્રેન યુદ્ધના મુદ્દે ઓગસ્ટમાં યોજાઈ હતી, અને પુતિને આ જ ચર્ચાની વિગતો મોદી સાથે શેર કરી.

ક્રેમલિનનું નિવેદન

ક્રેમલિનના પ્રવક્તા દિમિત્રી પેસ્કોવે જણાવ્યું કે બંને નેતાઓએ લગભગ એક કલાક સુધી એકાંતમાં વાતચીત કરી. એક ટીવી રિપોર્ટરને પેસ્કોવે કહ્યું, "જ્યારે મહત્ત્વની ચર્ચા ચાલી રહી હોય, ત્યારે અલગ-અલગ જગ્યાએ જવાનો સમય નથી હોતો. બંને નેતાઓ કારમાં આરામદાયક હતા અને તેમણે ચર્ચા ચાલુ રાખી."

મોસ્કોના નિષ્ણાતોના જણાવ્યા અનુસાર, પુતિનની લિમોઝીનને એવી રીતે ડિઝાઇન કરવામાં આવી છે કે તેમાં થતી વાતચીત સંપૂર્ણપણે સુરક્ષિત રહે. આ જ કારણે બંને નેતાઓએ કદાચ અત્યંત સંવેદનશીલ દ્વિપક્ષીય મુદ્દાઓ પર ચર્ચા કરી હશે. નિષ્ણાતોનું માનવું છે કે આ વાતચીત એવા વિષયો પર હતી જે "બીજા કોઈના કાન સુધી ન પહોંચવી જોઈએ."

ફોન પર પણ થઈ હતી ચર્ચા