Shefali Jariwala Death: વાસી ખોરાક ખાધા બાદ લીધી એન્ટી-એન્જિગની દવા? શેફાલી જરીવાલાના મૃત્યુ અંગે આ મોટો ખુલાસો

Shefali Jariwala Death: 'કાંટા લગા' ફેમ અભિનેત્રી શેફાલી જરીવાલાના અચાનક મૃત્યુથી બધાને આશ્ચર્ય થયું. શેફાલી જરીવાલનું 42 વર્ષની વયે અવસાન થયું. શેફાલી જરીવાલાના મૃત્યુની તપાસ દરમિયાન, પોલીસને અભિનેત્રીના ઘરેથી દવાઓના બે બોક્સ મળી આવ્યા છે. અહેવાલો અનુસાર, જે દિવસે શેફાલીની તબિયત બગડી, તે દિવસે તેણે વાસી ખોરાક ખાધો. આ પછી તેણે એન્ટી-એન્જિગની દવા લીધી. કૂપર હોસ્પિટલમાં પોસ્ટમોર્ટમ કરનારા ડોકટરોને શંકા છે કે, અભિનેત્રીના મૃત્યુનું કારણ દવા લીધા પછી હૃદયરોગનો હુમલો હોઈ શકે છે.

જોકે, મૃત્યુનું સાચું કારણ પોસ્ટમોર્ટમ રિપોર્ટ આવ્યા પછી જ સ્પષ્ટ થશે. પરંતુ સૂત્રના જણાવ્યા મુજબ, શેફાલી છેલ્લા કેટલાક સમયથી પોતાની જાતે દવાઓ લઈ રહી હતી અને લાંબા સમયથી એન્ટી-એન્જિગની સારવારનો ઉપયોગ કરી રહી હતી. ડોક્ટરોએ જણાવ્યું હતું કે તેઓ હજુ પણ પોસ્ટમોર્ટમની પુષ્ટિ કરવા માટે શેફાલી જરીવાલાના વિસેરા અને બ્લડ ટેસ્ટ રિપોર્ટની રાહ જોઈ રહ્યા છે.

શેફાલી જરીવાલનું મૃત્યુ કેવી રીતે થયું?

મુંબઈ પોલીસના સૂત્રોના જણાવ્યા અનુસાર, લો બ્લડ પ્રેશરને કારણે શેફાલી જરીવાલા અચાનક બેહોશ થઈ ગઈ હતી, ત્યારબાદ તેના પતિ પરાગ ત્યાગી તેને તાત્કાલિક મુંબઈની બેલેવ્યુ મલ્ટિસ્પેશિયાલિટી હોસ્પિટલમાં લઈ ગયા હતા, જ્યાં ડોક્ટરે તેને મૃત જાહેર કરી હતી. જ્યારે શેફાલી જરીવાલનું મૃત્યુ થયું ત્યારે તેના માતાપિતા અને એક ઘરનો નોકર પણ તેની સાથે હાજર હતો. દરમિયાન, મુંબઈ પોલીસે તેના પતિ પરાગ ત્યાગીનું નિવેદન પણ નોંધ્યું છે. પરાગે જણાવ્યું હતું કે તેના અને શેફાલી વચ્ચે સારા સંબંધો હતા. શેફાલીના અચાનક મૃત્યુને સ્વીકારવું તેમના માટે ખૂબ જ દુઃખદ છે. તેમણે એમ પણ કહ્યું કે શેફાલી સંપૂર્ણપણે સ્વસ્થ હતી, પરંતુ છેલ્લા કેટલાક સમયથી તે જાતે જ દવાઓ લઈ રહી હતી.

પોલીસને ક્યારે ખબર પડી

પોલીસને શનિવારે રાત્રે લગભગ 1 વાગ્યે શેફાલી જરીવાલાના મૃત્યુની માહિતી મળી, ત્યારબાદ તેના મૃતદેહને પોસ્ટમોર્ટમ માટે કૂપર હોસ્પિટલમાં મોકલવામાં આવ્યો. મૃત્યુનું કારણ હજુ સ્પષ્ટ ન હોવાથી, પોલીસે હાલમાં તેને આકસ્મિક મૃત્યુ ગણાવી છે અને ADR (આકસ્મિક મૃત્યુ અહેવાલ) નોંધ્યો છે. શનિવારે સાંજે ઓશિવારાના હિન્દુ સ્મશાનગૃહમાં તેના અંતિમ સંસ્કાર કરવામાં આવ્યા હતા, જેમાં તેના પતિ પરાગ ત્યાગી, પિતા સતીશ જરીવાલા અને નાની બહેન શિવાની જરીવાલા હાજર હતા.

આ પણ વાંચો-ચીનની સરહદે ભારતની હવાઈ તાકાતમાં વધારો: અસમમાં નોર્થ-ઈસ્ટની પ્રથમ ઈમરજન્સી એર સ્ટ્રીપ તૈયાર