BLA terrorist organization: અમેરિકાએ બલુચિસ્તાન લિબરેશન આર્મીને આતંકવાદી સંગઠન જાહેર કર્યું, પાકિસ્તાન માટે મોટો ડિપ્લોમેટિક વિજય

US designates BLA: અમેરિકન સ્ટેટ ડિપાર્ટમેન્ટે બલુચિસ્તાન લિબરેશન આર્મી (BLA) અને તેની આત્મઘાતી ટુકડી મજીદ બ્રિગેડને વિદેશી આતંકવાદી સંગઠન તરીકે જાહેર કર્યું છે. આ જાહેરાત એવા સમયે થઈ છે જ્યારે પાકિસ્તાનના ફિલ્ડ માર્શલ અસીમ મુનીર અમેરિકાની મુલાકાતે છે, જેને પાકિસ્તાન ડિપ્લોમેટિક વિજય તરીકે જુએ છે.

અમેરિકન સ્ટેટ સેક્રેટરી માર્કો રુબિયોએ જણાવ્યું કે, "BLA અને મજીદ બ્રિગેડે પાકિસ્તાનમાં અનેક આતંકવાદી હુમલાઓ કર્યા છે, જેના કારણે તેમને આતંકવાદી સંગઠન જાહેર કરવામાં આવ્યું છે." 2019માં પણ BLAને SDGT (Specially Designated Global Terrorist) તરીકે નામાંકિત કરવામાં આવ્યું હતું, અને હવે આ નવો નિર્ણય તેની સામે વધુ કડક કાર્યવાહીનો સંકેત આપે છે.

મજીદ બ્રિગેડનો આતંકવાદી ઇતિહાસ

મજીદ બ્રિગેડ, BLAની આત્મઘાતી ટુકડી, બે ભાઈઓ મજીદ લંગોવના નામ પરથી રચાઈ છે, જેઓ બલુચિસ્તાનના અલગાવવાદી આંદોલનમાં મહત્વની ભૂમિકા ભજવી ચૂક્યા છે. આ ટુકડીએ 2011માં પોતાનો પહેલો મોટો આત્મઘાતી હુમલો કર્યો, જેમાં 14 લોકો માર્યા ગયા અને 35 ઘાયલ થયા. 2018માં તેઓએ કરાચીમાં ચીની કોન્સ્યુલેટ અને 2019માં ગ્વાદરની પર્લ કોન્ટિનેંટલ હોટેલ પર હુમલો કર્યો. 2020માં કરાચી સ્ટોક એક્સચેન્જ અને 2024માં ગ્વાદર બંદર નજીકના હુમલામાં પણ મજીદ બ્રિગેડની સંડોવણી હતી, જેમાં પાકિસ્તાની સુરક્ષા દળોના અનેક જવાનો શહીદ થયા.

બલુચિસ્તાનનો ઐતિહાસિક બળવો

1970ના દાયકામાં બલુચિસ્તાનમાં નેશનલ અવામી પાર્ટી (NAP) દ્વારા પ્રાદેશિક સ્વાયત્તતાની માંગ ઉઠી હતી. 1971માં બાંગ્લાદેશના અલગ થવાથી આ માંગને વધુ બળ મળ્યું. જોકે, તત્કાલીન વડા પ્રધાન ઝુલ્ફીકાર અલી ભુટ્ટોએ આ માંગને નજરઅંદાજ કરી અને 1973માં NAP સરકાર બરતરફ કરવામાં આવી. આનાથી બલુચ બળવાખોરો અને પાકિસ્તાની સેના વચ્ચે સંઘર્ષ વધ્યો, જેમાં 1973 થી 1977 દરમિયાન હજારો લોકો માર્યા ગયા.

પાકિસ્તાન માટે શું છે આનો અર્થ?