‘અમે ક્યારેય હા પાડી નથી...' 5-Day Work Week પર નાણા મંત્રાલયનો બેંક કર્મચારીઓને મોટો ઝટકો! 28 સપ્ટેમ્બરથી બેંકોમાં 3 દિવસની હડતાળ

5-Day Work Week Banks: બેંક કર્મચારીઓ માટે એક ખરાબ સમાચાર સામે આવ્યા છે. દેશભરના બેંક કર્મચારીઓ દ્વારા 28 સપ્ટેમ્બરથી શરૂ થતી 3 દિવસની હડતાળ પહેલા જ નાણા મંત્રાલયે એક મોટો ખુલાસો કર્યો છે. સરકારે સ્પષ્ટ કર્યું છે કે બેંકોમાં અઠવાડિયામાં 5 દિવસ કામ કરવાના પ્રસ્તાવ પર તેમણે ક્યારેય સહમતિ આપી જ નથી. આ સમાચાર બેંક યુનિયનો અને કર્મચારીઓ માટે મોટો ઝટકો છે. ચાલો વિગતવાર જાણીએ કે નાણા મંત્રાલયે શું કહ્યું છે, યુનિયનનો દાવો શું છે અને સામાન્ય ગ્રાહકો માટે સરકારે શું વ્યવસ્થા કરી છે.

નાણા મંત્રાલયનો ખુલાસો: ‘આ મુદ્દો ક્યારેય ચર્ચાનો ભાગ ન હતો'

નાણા મંત્રાલયના એક વરિષ્ઠ સૂત્રના જણાવ્યા અનુસાર, 5-Day વર્કિંગનો મુદ્દો ક્યારેય વેતન કરારનો ભાગ હતો જ નહીં. મંત્રાલયે સ્પષ્ટ કર્યું છે કે, "અમે બેંકોમાં 5 દિવસ કામ કરવાની વ્યવસ્થા માટે ક્યારેય કોઈ વચન આપ્યું નથી. આ મુદ્દે સરકાર કે મેનેજમેન્ટ અને યુનિયનો વચ્ચે કોઈ સમજૂતી કે ચર્ચા થઈ જ નથી." સરકારનું કહેવું છે કે તમામ શનિવારની રજાની માંગ માત્ર બેંક યુનિયનો દ્વારા એકતરફી કરવામાં આવી હતી.

બેંક યુનિયનોનો શું દાવો છે?

ફક્ત 5-Day વર્કિંગ જ નહીં, PLI સ્કીમ પર પણ મોટો વિવાદ

કર્મચારીઓ અને સરકાર વચ્ચે માત્ર રજાઓને લઈને જ નહીં, પરંતુ પરફોર્મન્સ-લિંક્ડ ઇન્સેન્ટિવ સ્કીમ પર પણ મોટો વિવાદ ચાલી રહ્યો છે. સરકારે આ સ્કીમ માત્ર સ્કેલ IV અને તેનાથી ઉપરના સિનિયર અધિકારીઓ માટે જ લાગુ કરી હતી.

જેમાં પરફોર્મન્સના આધારે 365 દિવસના બેઝિક પગાર જેટલું ઇન્સેન્ટિવ આપવાની વાત હતી. જોકે, નાણામંત્રી નિર્મલા સીતારમણે યુનિયનના પ્રતિનિધિઓ સાથે મુલાકાત કર્યા બાદ હાલ પૂરતી આ સ્કીમ પર રોક લગાવી દીધી છે.

28 સપ્ટેમ્બરથી 3 દિવસની સળંગ હડતાળ પર અડગ

બેન્કિંગ સેક્ટરના 90 ટકાથી વધુ કર્મચારીઓનું પ્રતિનિધિત્વ કરતા 7 મોટા યુનિયનો પોતાની માંગ પર અડગ છે. તેઓ 28 થી 30 સપ્ટેમ્બર સુધી 3 દિવસની રાષ્ટ્રવ્યાપી હડતાળ પર ઉતરવાના છે. યુનિયનોની સ્પષ્ટ માંગ છે કે જ્યાં સુધી સરકાર 5-Day વર્કિંગ લાગુ કરવા માટે કોઈ ચોક્કસ સમયમર્યાદા નક્કી નહીં કરે, ત્યાં સુધી આ આંદોલન પાછું ખેંચવામાં નહીં આવે.

સામાન્ય ગ્રાહકો માટે મોટી રાહત: રવિવાર 27 સપ્ટેમ્બરે બેંકો ખુલ્લી રહેશે

26 સપ્ટેમ્બરે ચોથો શનિવાર હોવાથી બેંકો બંધ રહેશે અને 28 થી 30 સપ્ટેમ્બર સુધી હડતાળ છે. સળંગ રજાઓથી સામાન્ય જનતાને તકલીફ ન પડે તે માટે નાણા મંત્રાલયે મોટો નિર્ણય લીધો છે. મંત્રાલયના આદેશ મુજબ, રવિવાર 27 સપ્ટેમ્બરના રોજ તમામ સરકારી અને ક્ષેત્રીય ગ્રામીણ બેંકો ખુલ્લી રહેશે. જેથી ગ્રાહકો રોકડ ઉપાડ અને ચેક ક્લિયરન્સ જેવા કામો આસાનીથી કરી શકે.

નાણા મંત્રાલયનું કડક વલણ અને યુનિયનોની હડતાળને જોતા આગામી દિવસોમાં બેન્કિંગ સેવાઓ પ્રભાવિત થઈ શકે છે. જો તમારું બેંકને લગતું કોઈ પણ અગત્યનું કામ બાકી હોય, તો હડતાળની રાહ ન જુઓ. 27 સપ્ટેમ્બરે (રવિવારે) ખુલ્લી રહેતી બેંકનો લાભ લો અથવા નેટ બેન્કિંગ અને યુપીઆઈ જેવા ડિજિટલ માધ્યમથી તમારા કામ સમયસર પતાવી લો.

આ પણ વાંચો - ફેસ્ટિવ સીઝનમાં નોકરીઓની બમ્પર ઓફર! ફ્લિપકાર્ટ બાદ હવે Myntra આપશે 26,000થી વધુ રોજગાર