WhatsApp Update: લાખો એપલ યુઝર્સને વોટ્સએપે આપી મોટી ગીફ્ટ, એક નવી એપ થઈ રહી છે લોન્ચ

WhatsApp Update: વિશ્વનું સૌથી પોપ્યુલર ઇન્સ્ટન્ટ મેસેજિંગ એપ WhatsApp હવે Apple iPad યુઝર્સ માટે એક નવું સરપ્રાઇઝ લઈને આવી રહ્યું છે. WhatsApp ટૂંક સમયમાં iPad માટે એક ડેડિકેટેડ એપ લોન્ચ કરવા જઈ રહ્યું છે, જેનાથી કરોડો યુઝર્સનો અનુભવ વધુ સરળ અને યુઝર-ફ્રેન્ડલી બનશે. આ નવું એપ iPadના મોટા ડિસ્પ્લેને ધ્યાનમાં રાખીને ડિઝાઇન કરવામાં આવ્યું છે, જે યુઝર્સને ચેટિંગનો એકદમ નવો અનુભવ આપશે.

iPad યુઝર્સ માટે શું ખાસ છે?

હાલમાં iPad યુઝર્સે WhatsAppનો ઉપયોગ કરવા માટે કાં તો iPhone એપનો ઉપયોગ કરવો પડે છે અથવા વેબ બ્રાઉઝર દ્વારા WhatsApp ઍક્સેસ કરવું પડે છે. આ બંને રીતોમાં ઘણી મર્યાદાઓ હતી, જેમ કે iPhoneને ઇન્ટરનેટ સાથે કનેક્ટેડ રાખવાની જરૂરિયાત. પરંતુ, નવું iPad એપ આ તમામ સમસ્યાઓનો અંત લાવશે. આ એપ યુઝર્સને iPhoneની જેમ સ્વતંત્ર રીતે WhatsAppનો ઉપયોગ કરવાની સુવિધા આપશે, જેમાં ચેટિંગ ઇન્ટરફેસ સરળ અને સ્મૂધ હશે.

બે વર્ષથી ચાલી રહી છે ટેસ્ટિંગ

WhatsAppનું આ iPad એપ બે વર્ષથી વધુ સમયથી ટેસ્ટિંગના તબક્કામાં છે. કંપનીએ Appleના TestFlight પ્લેટફોર્મ પર આ એપનું બીટા વર્ઝન ટેસ્ટ કર્યું છે, જેમાં સિલેક્ટેડ યુઝર્સે એપનો ઉપયોગ કરીને પોતાનો ફીડબેક આપ્યો હતો. આ ફીડબેકના આધારે WhatsAppએ એપમાં અનેક સુધારાઓ કર્યા છે, જેથી iPadના મોટા સ્ક્રીન પર યુઝર્સને શ્રેષ્ઠ અનુભવ મળે. આ એપમાં ખાસ ફીચર્સ ઉમેરવામાં આવ્યા છે, જે iPadના ડિસ્પ્લે અને યુઝર ઇન્ટરફેસને ધ્યાનમાં રાખીને ડિઝાઇન કરાયા છે.

લોન્ચ ડેટની રાહ

WhatsAppએ હજુ સુધી આ એપની લોન્ચ ડેટની સત્તાવાર જાહેરાત કરી નથી, પરંતુ તાજેતરમાં સોશિયલ મીડિયા પર એક પોસ્ટ દ્વારા કંપનીએ સંકેત આપ્યા છે કે iPad એપનું લોન્ચ હવે બહુ દૂર નથી. આ નવું એપ યુઝર્સને ફોન પર આધાર રાખ્યા વિના WhatsAppનો ઉપયોગ કરવાની સ્વતંત્રતા આપશે, જે iPad યુઝર્સ માટે એક મોટી સુવિધા હશે.