Ather Energy share Price : 1 વર્ષમાં 275% રિટર્ન આપનાર આ EV સ્ટોક પર નોમુરા ફિદા, ટાર્ગેટ પ્રાઈઝ વધારી, શેર 2.5%થી વધુ ઉછળ્યો

Ather Energy share Price : શેરબજારમાં ઇલેક્ટ્રિક વ્હીકલ સેક્ટરની કંપનીઓનો દબદબો સતત વધી રહ્યો છે. આવી જ એક શાનદાર કંપની છે એથર એનર્જી, જેણે માત્ર 1 જ વર્ષમાં રોકાણકારોને 275% થી વધુનું જંગી રિટર્ન આપ્યું છે. જાપાનની પ્રખ્યાત બ્રોકરેજ ફર્મ નોમુરા આ કંપનીના ભવિષ્યને લઈને ખૂબ જ પોઝિટિવ છે. આજે આ શેરમાં 2.5% થી વધુનો ઉછાળો જોવા મળ્યો છે. ચાલો જાણીએ બ્રોકરેજ ફર્મનું આ શેર વિશે શું કહેવું છે.

નોમુરાએ ટાર્ગેટ પ્રાઈઝ વધારી

નોમુરાએ એથર એનર્જીના શેર પર પોતાની "Buy" રેટિંગ જાળવી રાખી છે. સૌથી મોટા સમાચાર એ છે કે બ્રોકરેજે આ શેરની ટાર્ગેટ પ્રાઈઝ 1120 રૂપિયાથી વધારીને સીધી 1470 રૂપિયા કરી દીધી છે. નોમુરાનું સ્પષ્ટ માનવું છે કે ભારતમાં EV સેક્ટરમાં જે તેજી આવી રહી છે, તેનો સૌથી મોટો ફાયદો આ ટુ-વ્હીલર કંપનીને થશે.

ગુરુવારે જાહેર થયેલા રિપોર્ટ મુજબ, ગ્રાહકોની વધતી દિલચસ્પી અને કેન્દ્ર તેમજ રાજ્ય સરકારોની પોલિસીઓને કારણે EV કંપનીઓને મોટો સપોર્ટ મળી રહ્યો છે. ઇલેક્ટ્રિક ટુ-વ્હીલરનો વપરાશ જે FY26 માં 6.5% છે, તે FY30 સુધીમાં વધીને 19% થઈ જવાનો અંદાજ છે (જે અગાઉ 16% ધારવામાં આવ્યો હતો).

એથર એનર્જી કેમ છે નોમુરાની પસંદ?

મજબૂત માર્કેટ શેર: એથર સંપૂર્ણપણે EV ટુ-વ્હીલર પર ફોકસ કરતી કંપની છે. FY26 માં કંપનીએ પોતાનો 18% માર્કેટ શેર જાળવી રાખ્યો છે. જોકે, હાલમાં કંપની સપ્લાયની થોડી અછતનો સામનો કરી રહી છે.

નવું સસ્તું સ્કૂટર: FY27 ના ત્રીજા ક્વાર્ટરમાં કંપની EL પ્લેટફોર્મ હેઠળ એક નવું સસ્તું સ્કૂટર લોન્ચ કરશે. સાથે નવો પ્લાન્ટ પણ શરૂ થશે. આનાથી કંપનીને 1 લાખથી 1.25 લાખ રૂપિયાના સેગમેન્ટમાં પોતાની પકડ મજબૂત કરવામાં મદદ મળશે, જે આખી ઈન્ડસ્ટ્રીનો 45% હિસ્સો ધરાવે છે.