Ather Energy Q1 Results: એથર એનર્જીની ખોટમાં જંગી ઘટાડો, આવક 89% વધી, 1 જ વર્ષમાં રોકાણકારોને મળ્યું 223% નું બમ્પર રિટર્ન

Ather Energy Q1 Results: ઇલેક્ટ્રિક ટુ-વ્હીલર માર્કેટમાં દબદબો ધરાવતી જાણીતી કંપની એથર એનર્જીએ જૂન ક્વાર્ટરના શાનદાર પરિણામો જાહેર કર્યા છે. કંપનીની આવકમાં મોટો ઉછાળો આવ્યો છે અને સાથે જ ખોટમાં જંગી ઘટાડો નોંધાયો છે. ભારતમાં ઇલેક્ટ્રિક વાહનોની વધતી માંગ વચ્ચે કંપનીનું આ શાનદાર પરફોર્મન્સ શેરબજારના રોકાણકારોનું ધ્યાન ખેંચી રહ્યું છે.

Q1 નાણાકીય પરિણામોની મુખ્ય હાઇલાઇટ્સ

જૂન ક્વાર્ટરમાં કંપનીએ દરેક મોરચે મજબૂત કામગીરી બતાવી છે. વાર્ષિક ધોરણે કંપનીની આવક 88.8% વધીને 1217 કરોડ રૂપિયાના આંકડા પર પહોંચી ગઈ છે. ગયા વર્ષે આ જ ક્વાર્ટરમાં કંપનીને 178.2 કરોડ રૂપિયાની ખોટ થઈ હતી, જે હવે સીધી ઘટીને માત્ર 51 કરોડ રૂપિયા રહી ગઈ છે. વેચાણ વધવાની સાથે જ કંપનીના ઓપરેટિંગ પરફોર્મન્સમાં જબરદસ્ત સુધારો જોવા મળ્યો છે. કંપનીની EBITDA ખોટ ગયા વર્ષના 134.3 કરોડ રૂપિયાથી ઘટીને હવે 33.4 કરોડ રૂપિયા થઈ ગઈ છે.

EV બજારમાં તેજી અને નવી તકો

એથર એનર્જીના જણાવ્યા અનુસાર, દેશમાં EV ની માંગ સતત વધી રહી છે. પેટ્રોલના વધતા ભાવ અને ઈંધણની ઉપલબ્ધતા અંગેની ચિંતાઓ લોકોને ઇલેક્ટ્રિક વાહનો તરફ આકર્ષી રહી છે. આ ઉપરાંત, કેન્દ્ર સરકારની 'PM E-Drive' યોજના અને દિલ્હી સરકારની EV પોલિસી જેવી સરકારી પહેલો આ સેક્ટરને મોટો સપોર્ટ આપી રહી છે.

નવા 'EL' સ્કૂટરનું થશે લોન્ચિંગ

કંપની ટૂંક સમયમાં પોતાનું નવું 'EL' સ્કૂટર માર્કેટમાં ઉતારવા જઈ રહી છે. જૂન ક્વાર્ટરમાં આ મોડલનું હોમોલોગેશન પૂરું થઈ ગયું છે અને તેના માસ પ્રોડક્શનના ટ્રાયલ પણ શરૂ કરી દેવાયા છે.આ નવું સ્કૂટર ઓગસ્ટ મહિનામાં યોજાનાર 'Ather Community Day' ઇવેન્ટ દરમિયાન લોન્ચ કરવામાં આવશે. હોસુર પ્લાન્ટમાં FY27 ના બીજા ક્વાર્ટરથી તેનું કોમર્શિયલ પ્રોડક્શન શરૂ કરવામાં આવશે.આગામી સમયમાં કંપની પોતાની ઉત્પાદન ક્ષમતા વધારીને દર મહિને 60000 વાહનો કરવાની તૈયારી કરી રહી છે.