Stock Market Rally: ઓટો સેક્ટરની કમાલ, સેન્સેક્સ 500 પોઈન્ટ ઉછળ્યો, આ 3 કારણોસર નિફ્ટી 24000ને પાર

Stock Market Rally: અગાઉના ટ્રેડિંગ સત્રમાં જોવા મળેલા ભારે ઘટાડા બાદ આજે ભારતીય શેરબજારમાં જોરદાર શાનદાર વાપસી જોવા મળી છે. આજના કારોબારમાં આઈટી સેક્ટર ભલે બજારને નીચે ખેંચવાનો પ્રયાસ કરી રહ્યું હોય, પરંતુ ઓટો અને એફએમસીજી સેક્ટરના મજબૂત ટેકાને કારણે સેન્સેક્સ અને નિફ્ટી બંને લીલા નિશાનમાં શાનદાર પ્રદર્શન કરી રહ્યા છે.

આજના બજારની લેટેસ્ટ સ્થિતિ

બજાર ખૂલતાની સાથે જ ધીમે ધીમે તેજી મજબૂત બની હતી.સેન્સેક્સ ઈન્ટ્રા-ડેમાં સેન્સેક્સ 541.13 પોઈન્ટ ઉછળીને 77,019.80 ની સપાટી સુધી પહોંચી ગયો હતો. હાલમાં તે 469.41 પોઈન્ટ (0.61%) ના વધારા સાથે 76,948.08 પર ટ્રેડ કરી રહ્યો છે. નિફ્ટી 50એ આજે 161.10 પોઈન્ટનો જમ્પ લગાવીને 24,026.85 ની સપાટી સ્પર્શી લીધી હતી. હાલમાં તે 137.40 પોઈન્ટ (0.58%) વધીને 24,003.15 પર છે.મોટા શેરોની સાથે નાના શેરોમાં પણ ઉત્સાહ છે. નિફ્ટી મિડકેપ અને નિફ્ટી સ્મોલકેપ 100 માં પણ અડધા-અડધા ટકાનો વધારો નોંધાયો છે.

બજારમાં આ તેજી પાછળના 3 મુખ્ય કારણો

1. ઓટો અને FMCG શેરોમાં જોરદાર ખરીદી

જૂન મહિનાના શાનદાર વેચાણના આંકડા આવતા જ આજે ઓટો સેક્ટરના શેરોમાં ભારે ઉછાળો જોવા મળ્યો છે. નિફ્ટી ઓટો ઈન્ડેક્સ 1% થી વધુ ઉછળ્યો છે. આ ઉપરાંત એફએમસીજી (FMCG) સેક્ટરમાં પણ દોઢ ટકાથી વધુની મજબૂતી છે. રિયાલ્ટી ઈન્ડેક્સ પણ 1% ઉપર છે. આ સેક્ટર્સની તેજીએ આઈટી, મેટલ અને ફાર્મા સેક્ટરમાં જોવા મળેલા વેચાણના દબાણને (જે અડધો ટકો ઘટ્યા છે) સાવ હળવું કરી દીધું છે.

2. એશિયન બજારો તરફથી મજબૂત સંકેતો