D-Mart Share Price: Q1 માં નફો વધવા છતાં શેરમાં 4%નો કડાકો, જાણો હવે શેર ખરીદવો, વેચવો કે હોલ્ડ કરવો?

સ્ટોર્સનું વિસ્તરણ અને 1000 કરોડનું ફંડિંગ

એવેન્યુ સુપરમાર્ટ્સના MD અને CEO અંશુલ અસાવાના જણાવ્યા અનુસાર, 2 વર્ષ કે તેથી વધુ જૂના ડી-માર્ટ સ્ટોર્સનો ગ્રોથ 5.5 ટકા રહ્યો છે. મોટા શહેરોમાં જૂના સ્ટોર્સનો ગ્રોથ સ્થિર છે, જ્યારે નાના શહેરોમાં તે ઘણો સારો છે. જૂન 2026 ક્વાર્ટરમાં કંપનીએ 3 નવા ડી-માર્ટ સ્ટોર ખોલ્યા છે, જેથી હવે કુલ સ્ટોરની સંખ્યા 503 પર પહોંચી ગઈ છે.

આ ઉપરાંત, કંપનીના બોર્ડે નોન-કન્વર્ટિબલ ડિબેન્ચર જારી કરીને 1000 કરોડ રૂપિયાનું ફંડ એકત્ર કરવાની મંજૂરી પણ આપી દીધી છે.

'DMart Ready' 7 શહેરોમાંથી બંધ કરાયું

ઓનલાઈન બિઝનેસમાં કંપનીએ મોટો નિર્ણય લીધો છે. એવેન્યુ ઈ-કોમર્સના CEO વિક્રમ દાસુએ જણાવ્યું કે, કંપનીએ પોતાના ઓનલાઈન પ્લેટફોર્મ 'DMart Ready' ની સેવા 7 શહેરોમાં બંધ કરી દીધી છે. 30 જૂન 2026 ની સ્થિતિએ ડીમાર્ટ રેડી હવે માત્ર 11 શહેરોમાં જ કામ કરી રહ્યું છે.

બ્રોકરેજ ફર્મ્સની સલાહ: શેર ખરીદવો, વેચવો કે હોલ્ડ કરવો?

શેરમાં આવેલા ઘટાડા બાદ ડી-માર્ટનું માર્કેટ કેપ 2.60 લાખ કરોડ રૂપિયા રહી ગયું છે. આ પરિણામો જોયા બાદ અલગ-અલગ બ્રોકરેજ હાઉસની સલાહ નીચે મુજબ છે:

ICICI Securities : 7 શહેરોમાંથી DMart Ready બંધ કરવું દર્શાવે છે કે કંપની વિસ્તરણ કરવાને બદલે હવે નફાકારકતા વધારવા પર ધ્યાન આપી રહી છે. તેમણે ટાર્ગેટ પ્રાઇસ ઘટાડીને 4200 રૂપિયા કર્યો છે.

Goldman Sachs : 4000 રૂપિયાનો ટાર્ગેટ આપ્યો છે. તેમનું માનવું છે કે મોટા શહેરોમાં સેલ્સ ન વધવું એ દર્શાવે છે કે બ્લિંકિટ કે ઝેપ્ટો જેવા 'ક્વિક કોમર્સ' પ્લેટફોર્મ ડી-માર્ટને ટક્કર આપી રહ્યા છે.

JP Morgan : રેટિંગ જાળવી રાખ્યું છે પરંતુ ટાર્ગેટ પ્રાઇસ ઘટાડીને 4250 રૂપિયા કર્યો છે.

Citi : સૌથી ઓછો ટાર્ગેટ 3400 રૂપિયા આપ્યો છે. ઓનલાઈન બિઝનેસમાં નુકસાન અને ડીમાર્ટ રેડીનું સંકુચન મુખ્ય કારણ માનવામાં આવ્યું છે.

Jefferies : 4500 રૂપિયાના ટાર્ગેટ સાથે શેર જાળવી રાખવાની સલાહ આપી છે.

Motilal Oswal : એકમાત્ર મોટી ફર્મ જેણે શેર ખરીદવાની સલાહ આપી છે. તેમણે 4800 રૂપિયાનો ટાર્ગેટ આપતા કહ્યું છે કે કંપનીનો નફો અપેક્ષા મુજબનો છે અને નવા સ્ટોર્સ ભવિષ્યના ગ્રોથ માટે ફાયદાકારક રહેશે.

ડિસ્ક્લેમર: અહીં આપેલી માહિતી બ્રોકરેજ ફર્મના રિપોર્ટ પર આધારિત છે. શેરબજારમાં રોકાણ જોખમોને આધીન હોય છે. કોઈપણ રોકાણનો નિર્ણય લેતા પહેલા, કૃપા કરીને સર્ટિફાઇડ નિષ્ણાત અથવા તમારા નાણાકીય સલાહકારની મદદ લો. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.