Godrej Consumer Products ના શેરમાં 4%નો જબરદસ્ત ઉછાળો, શાનદાર Q1 અપડેટ બાદ એક્સપર્ટે આપ્યો નવો ટાર્ગેટ

શેરબજારમાં રોકાણકારો માટે સારા સમાચાર છે. FMCG સેક્ટરની દિગ્ગજ કંપની ગોદરેજ કન્ઝ્યુમર પ્રોડક્ટ્સના શેરમાં આજે શાનદાર તેજી જોવા મળી છે. જૂન ક્વાર્ટરના શાનદાર બિઝનેસ અપડેટને પગલે બજારના નિષ્ણાતો આ શેર પર ખુબ જ પોઝિટિવ જોવા મળી રહ્યા છે.

જાણીતી બ્રોકરેજ ફર્મ નોમુરાએ ગોદરેજ કન્ઝ્યુમરના શેર માટે પોતાની 'બાય' રેટિંગ જાળવી રાખી છે. રોકાણકારોને આકર્ષિત કરતા નોમુરાએ આ શેર માટે 1300 રૂપિયાનો નવો ટાર્ગેટ ભાવ આપ્યો છે.

શેરબજારમાં કંપનીનું ધમાકેદાર પ્રદર્શન

કંપનીના અંદાજ કરતા સારા બિઝનેસ અપડેટની જાહેરાત થતા જ આજે શેરબજારમાં ગોદરેજ કન્ઝ્યુમરના શેરમાં 4 ટકા સુધીનો ઉછાળો જોવા મળ્યો હતો. બપોરના સત્રમાં BSE પર શેરનો ભાવ ઉછળીને 1117.85 રૂપિયાની હાઈ સપાટીએ પહોંચી ગયો હતો. આ જબરદસ્ત તેજીને કારણે કંપનીનું કુલ માર્કેટ કેપિટલાઇઝેશન વધીને 1.13 લાખ કરોડ રૂપિયાને પાર કરી ગયું છે.

નોમુરાનો રિપોર્ટ શું કહે છે?

બ્રોકરેજ ફર્મ નોમુરાના એનાલિસ્ટ્સનું માનવું છે કે કંપનીની સ્થિતિ બજારમાં ખુબ મજબૂત બની રહી છે. કંપનીનો સ્ટેન્ડઅલોન વોલ્યુમ ગ્રોથ બજારની અપેક્ષાઓ મુજબ જ રહ્યો છે. એપ્રિલ-જૂન ક્વાર્ટરમાં કંપનીની કન્સોલિડેટેડ આવક અને EBITDA ગ્રોથ અનુમાન કરતા ઘણા સારા રહ્યા છે. ભારતની સાથે સાથે આંતરરાષ્ટ્રીય બિઝનેસમાં પણ સારો સુધારો જોવા મળ્યો છે, જે આવનારા ક્વાર્ટરમાં કંપનીના માર્જિન રિકવરીમાં મોટી મદદ કરશે. જોકે, કંપની હાલમાં નવી બ્રાન્ડ્સ પાછળ મોટું રોકાણ કરી રહી છે, તેથી ટૂંકા ગાળામાં EBITDA ગ્રોથ પ્રારંભિક 'ડબલ ડિજિટ' માં જ રહી શકે છે.

કંપનીને ભવિષ્યમાં ડબલ ડિજિટ ગ્રોથની આશા