Patanjali Foods Stock Rally: સોમવાર, 21 સપ્ટેમ્બરે પતંજલી ફૂડ્ઝના શેરમાં તાજેતરની તેજી યથાવત રહી. આજે શેરમાં 6%થી વધુનો ઉછાળો જોવા મળ્યો હતો. કંપનીના મેનેજમેન્ટે FY27માં ખાસ કરીને FMCG અને ફૂડ ઓઇલ બિઝનેસમાં વૃદ્ધિની સંભાવના વ્યક્ત કરી છે. સાથે જ કંપનીએ મજબૂત ફ્રી કેશ ફ્લો જનરેટ થવાની પણ અપેક્ષા વ્યક્ત કરી છે.
Patanjali Foods Stock Rally: 4 દિવસમાં લગભગ 15% ચઢ્યો શેર, હવે મેનેજમેન્ટની નજર ક્યાં?
21 સપ્ટેમ્બરે Patanjali Foodsના શેરમાં તેજી યથાવત રહી અને શરૂઆતના કારોબારમાં શેર 6%થી વધુ વધીને ₹390.75 સુધી પહોંચ્યો. આ સાથે ચાર સેશનમાં શેરનો ઉછાળો આશરે 15% થયો છે. મેનેજમેન્ટને FY27માં FMCG બિઝનેસમાં 18-20%, ફૂડ્સ બિઝનેસમાં 8-10% અને ખાદ્ય તેલના બિઝનેસમાં 4%થી વધુ ગ્નોથની અપેક્ષા છે. કંપની FY27માં ₹700-800 કરોડનો ફ્રી કેશ ફ્લો જનરેટ કરી શકે છે.
MoneyControl Newsઅપડેટેડ Sep 21, 2026 પર 1:39 PM
શરૂઆતી કારોબારમાં પતંજલી ફૂડ્ઝનો શેર 6.5% વધીને ₹390.75 સુધી પહોંચ્યો હતો. આ સાથે છેલ્લા ચાર ટ્રેડિંગ સેશનમાં શેરનો કુલ ઉછાળો આશરે 15% થયો છે. જોકે, આ રિકવરી છતાં 2026માં અત્યાર સુધી પતંજલી ફૂડ્ઝના શેરમાં લગભગ 30%નો ઘટાડો થયો છે. આ જ સમયગાળામાં નિફ્ટી 50માં આશરે 10.7%નો ઘટાડો નોંધાયો છે. કંપનીનું માર્કેટ કેપિટલાઇઝેશન લગભગ ₹42,300 કરોડ છે.
FY27માં FMCG બિઝનેસમાં 18-20% ગ્રોથની અપેક્ષા
પતંજલી ફૂડ્ઝના CEO સંજીવ અસ્થાનાએ CNBC-TV18 સાથેની વાતચીતમાં જણાવ્યું કે કંપનીને FY27માં તેના FMCG બિઝનેસમાં 18-20% ગ્રોથની અપેક્ષા છે. જ્યારે ફૂડ્સ બિઝનેસમાં 8-10% ગ્રોથ થવાનો અંદાજ છે.
ખાદ્ય તેલના બિઝનેસમાં પણ 4%થી વધુ વૃદ્ધિની અપેક્ષા છે. અસ્થાનાએ જણાવ્યું કે કંપનીને FY27ના પોતાના લક્ષ્યાંકો હાંસલ કરવાનો વિશ્વાસ છે. આ સમયગાળા દરમિયાન કંપની ₹700-800 કરોડનો ફ્રી કેશ ફ્લો જનરેટ કરી શકે છે.
કન્ઝ્યુમર ડિમાન્ડ અંગે મેનેજમેન્ટનો મિશ્ર અભિપ્રાય
કન્ઝ્યુમર ડિમાન્ડ અંગે મેનેજમેન્ટનો અભિપ્રાય મિશ્ર રહ્યો છે. અસ્થાનાના જણાવ્યા અનુસાર, શહેરી વિસ્તારોમાં ડિમાન્ડ મજબૂત છે અને ફેસ્ટિવ સીઝન પણ સારી રહેવાની અપેક્ષા છે. જોકે, નબળા ચોમાસાને કારણે ગ્રામીણ વિસ્તારોમાં ડિમાન્ડ અંગે કંપની એટલી આશાવાદી નથી. બીજી તરફ, ખાદ્ય તેલની સપ્લાય પણ ચિંતાનો વિષય છે. અસ્થાનાના જણાવ્યા મુજબ, ભારતમાં 90%થી વધુ સનફ્લાવર ઓઇલની આયાત હાલમાં અટવાયેલી છે, જેના કારણે સપ્લાય એક મોટો પડકાર બની શકે છે. તેમણે વધુમાં જણાવ્યું કે કંપનીના ફૂડ બિઝનેસને લઈને કોઈ નિયમનકારી સમસ્યા નથી. ઉપરાંત, પ્રમોટર્સની 38% હિસ્સેદારી સામે કોઈ લોન લેવામાં આવી નથી.
જૂન ક્વાર્ટરમાં શાનદાર પરિણામ
જૂન ક્વાર્ટરમાં કંપનીના મજબૂત પ્રદર્શન બાદ મેનેજમેન્ટે FY27 માટે પોતાનું આઉટલુક રજૂ કર્યું છે. Q1 FY27માં Patanjali Foodsનો કન્સોલિડેટેડ ચોખ્ખો નફો વાર્ષિક ધોરણે 86% વધીને ₹335.7 કરોડ થયો હતો. કંપનીની ઓપરેશન્સમાંથી આવક 29% વધીને ₹11,337.5 કરોડ થઈ હતી. આ દરમિયાન કંપનીનું EBITDA 69% વધીને ₹543.3 કરોડ થયું હતું. EBITDA માર્જિન પણ એક વર્ષ અગાઉના 3.7%થી વધીને 4.8% થયું હતું. જૂન ક્વાર્ટર કંપની માટે સતત ચોથું ક્વાર્ટર રહ્યું, જેમાં રેકોર્ડ રેવન્યુ નોંધાયો હતો.
કાનૂની રાહતથી પણ શેરમાં સેન્ટિમેન્ટ સુધર્યું
તાજેતરની શેર રેલી વચ્ચે પતંજલી ગ્રુપને કાનૂની મામલે પણ રાહત મળી છે. દિલ્હી હાઈકોર્ટે પતંજલી આયુર્વેદ સાથે જોડાયેલા ઈનકમ ટેક્સ એપ્પલેટ ત્રિભુનલ (ITAT)ના સાત આદેશોને રદ કર્યા છે.
કોર્ટે પ્રક્રિયામાં રહેલી ખામીઓ અને ટ્રિબ્યુનલ દ્વારા આ કેસોને હેન્ડલ કરવાની રીત અંગે પણ ટિપ્પણી કરી હતી. આ કાનૂની રાહત બાદ પણ પતંજલી ફૂડ્ઝના શેર અંગે બજારમાં ચર્ચા જોવા મળી રહી છે.
ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.