Asian Markets: એશિયન બજારોમાં દબાણ, કોસ્પી 3% તૂટ્યો-નિક્કેઈ ડાઉન, ક્રૂડ ઓઈલના ભાવમાં પણ નરમાશ

Asian Markets: સપ્તાહના પહેલા દિવસે એટલે કે સોમવારે એશિયન બજારોમાં ભારે દબાણ જોવા મળી રહ્યું છે. શેરબજારમાં રોકાણકારો સાવચેતીપૂર્વક આગળ વધી રહ્યા છે. એક તરફ એશિયન માર્કેટ તૂટ્યા છે, તો બીજી તરફ અમેરિકા અને ઈરાન વચ્ચેના રાજકીય ઘટનાક્રમની સીધી અસર વૈશ્વિક સ્તરે ક્રૂડ ઓઈલ અને સોનાના ભાવ પર પણ પડી રહી છે. ચાલો જાણીએ બજારની વર્તમાન સ્થિતિ.

એશિયન બજારોની સ્થિતિ: ક્યાં તેજી, ક્યાં મંદી?

સોમવારે એશિયન માર્કેટમાં મિશ્ર પ્રતિસાદ જોવા મળ્યો છે, જેમાં મોટાભાગના મુખ્ય ઈન્ડેક્સ લાલ નિશાનમાં છે. કોસ્પી ઈન્ડેક્સમાં સૌથી વધુ એટલે કે લગભગ 3.25% નો મોટો ઘટાડો નોંધાયો છે. નિક્કેઈ, જાપાનનો આ ઈન્ડેક્સ 1.42% ના ઘટાડા સાથે 63,545.00 ની સપાટી આસપાસ ટ્રેડ કરી રહ્યો છે. સ્ટ્રેટ્સ ટાઈમ્સ માર્કેટમાં 0.03% ની સામાન્ય નબળાઈ જોવા મળી છે. તાઈવાન માર્કેટમાં રોકાણકારોને થોડી રાહત છે. બજાર 1.02% વધીને 43,558.34 ના સ્તર પર કારોબાર કરી રહ્યું છે. હેંગસેંગ 0.09% ના મામૂલી વધારા સાથે 25,909.00 પર અને શંઘાઈ કમ્પોઝિટ 0.61% ની તેજી સાથે 3,807.37 ના સ્તર પર જોવા મળી રહ્યો છે.

વોલ સ્ટ્રીટ અને અમેરિકી બજારોનો ટ્રેન્ડ

રવિવારે સાંજે અમેરિકી સ્ટોક ફ્યુચર્સમાં તેજી જોવા મળી હતી. રોકાણકારોની નજર જુલાઈ મહિનાના રોજગાર ડેટા અને ઓગસ્ટના પહેલા સપ્તાહમાં આવનારા કંપનીઓના પરિણામો પર ટકેલી છે.

ડોવ જોન્સ ફ્યુચર્સમાં લગભગ 200 પોઈન્ટ (0.4%) ની તેજી નોંધાઈ છે. શુક્રવારે અમેરિકી બજારો ખૂબ જ પોઝિટિવ રહ્યા હતા. ડોવ જોન્સ 276.97 પોઈન્ટ (0.53%) ઉછળીને 52,485.03 પર બંધ થયો હતો. S&P 500 ઈન્ડેક્સ 0.7% ના વધારા સાથે 7,489.72 પર અને નેસ્ડેક 1% વધીને 25,373.85 ના સ્તરે બંધ થયો હતો.

અમેરિકા-ઈરાન વિવાદ અને ક્રૂડ ઓઈલમાં કડાકો