Rakesh Jhunjhunwala Investment Tips: શેરબજારમાં તગડી કમાણી કરવી છે? 'બિગ બુલ' ની આ 5 ગોલ્ડન ટિપ્સ આજે જ અપનાવો

Rakesh Jhunjhunwala Investment Tips: શેરબજારમાંથી સારો નફો કમાવવો એ દરેક રોકાણકારનું સપનું હોય છે. પરંતુ માર્કેટમાં માત્ર પૈસા લગાવવાથી કમાણી નથી થતી, તેના માટે એક ચોક્કસ અને સાચી સ્ટ્રેટેજી હોવી ખૂબ જ જરૂરી છે. ભારતીય શેરબજારના 'બિગ બુલ' (Big Bull) તરીકે જાણીતા સ્વર્ગસ્થ રાકેશ ઝુનઝુનવાલા ભલે આજે આપણી વચ્ચે નથી, પરંતુ તેમની ઇન્વેસ્ટમેન્ટ સ્ટ્રેટેજી આજે પણ રોકાણકારો માટે માર્ગદર્શક બની રહી છે.

14 ઓગસ્ટ 2022 ના રોજ રાકેશ ઝુનઝુનવાલાનું નિધન થયું હતું, પરંતુ તેમણે પોતાના અનુભવો પરથી રોકાણકારોને જે ટિપ્સ આપી હતી તે આજે પણ એટલી જ કારગર છે. નાણાકીય ક્ષેત્રની જાણીતી કંપની નાવી (Navi) એ તેમની રોકાણ કરવાની રીતોનું વિશ્લેષણ કરીને એક લિસ્ટ તૈયાર કર્યું છે. ચાલો જાણીએ રાકેશ ઝુનઝુનવાલાની એ 5 મહત્ત્વની સ્ટ્રેટેજી વિશે, જે તમને શેરબજારમાં સફળ બનાવી શકે છે.

રાકેશ ઝુનઝુનવાલાની 5 બેસ્ટ સ્ટ્રેટેજી

1. નુકસાન સહન કરવાની ક્ષમતા કેળવો

રાકેશ ઝુનઝુનવાલા હંમેશા કહેતા કે, જ્યાં સુધી તમારામાં નુકસાન સહન કરવાની હિંમત નથી, ત્યાં સુધી તમે શેરબજારમાંથી મોટો નફો ન કમાઈ શકો. બજારમાં દરેક ટ્રેડ કે રોકાણ તમને નફો જ આપે તે શક્ય નથી. તમારા પોર્ટફોલિયોમાં રહેલો શેર ઘટી પણ શકે છે. આવા સમયે ગભરાવાને બદલે હકારાત્મક રહો, નુકસાન સ્વીકારો અને તેમાંથી શીખવાની આદત પાડો. નુકસાનને તમારા આત્મવિશ્વાસ પર ક્યારેય હાવી ન થવા દો.

2. તમારી લાગણીઓ પર કાબૂ રાખો

શેરબજારમાં નુકસાન થવાનું સૌથી મોટું કારણ 'ઇમોશનલ ઇન્વેસ્ટમેન્ટ' એટલે કે લાગણીઓમાં તણાઈને કરેલું રોકાણ છે. જો તમે ખરીદેલો શેર નીચે જઈ રહ્યો છે, તો ડરવાની કે તેની સાથે ભાવનાત્મક રીતે જોડાઈ રહેવાની જરૂર નથી. પરિસ્થિતિનું તાર્કિક વિશ્લેષણ કરો અને ત્યારબાદ જ યોગ્ય નિર્ણય લો.