Closing Bell : પશ્ચિમ એશિયાના તણાવથી સેન્સેક્સ 456 પોઈન્ટ ગગડ્યો, નિફ્ટી 24600ની નીચે બંધ

Closing Bell : પશ્ચિમ એશિયામાં ચાલી રહેલા ભૌગોલિક તણાવની સીધી અસર હવે વૈશ્વિક અને ભારતીય શેર બજાર પર જોવા મળી રહી છે. સપ્તાહના છેલ્લા ટ્રેડિંગ સેશનમાં એટલે કે શુક્રવારે ભારતીય શેરબજાર ઘટાડા સાથે બંધ થયું હતું.

સેન્સેક્સ અને નિફ્ટીની સ્થિતિ

શુક્રવારના ટ્રેડિંગ સેશનમાં માર્કેટમાં વેચવાલીનું દબાણ જોવા મળ્યું હતું. સેન્સેક્સ 455.59 પોઈન્ટ (0.58%) ના ઘટાડા સાથે 78,499.17 ના સ્તરે બંધ થયો હતો. નિફ્ટી 50, 65.35 પોઈન્ટ (0.27%) તૂટીને 24,570.65 ના સ્તરે બંધ થયો હતો, જે 24600 ની મહત્વની સપાટીની નીચે છે. જોકે, શુક્રવારના આ ઘટાડા છતાં રોકાણકારો માટે એક રાહતના સમાચાર એ છે કે સળંગ બીજા સપ્તાહે બજારમાં ઓવરઓલ તેજી જળવાઈ રહી છે. આખા સપ્તાહ દરમિયાન સેન્સેક્સ અને નિફ્ટી બંને ઇન્ડેક્સમાં 0.5% નો વધારો નોંધાયો છે.

ક્રૂડ ઓઈલના ભાવમાં ઉછાળો

બજારમાં આ નરમાઈ પાછળનું મુખ્ય કારણ ઊર્જા બજારની અનિશ્ચિતતા છે. હોર્મુઝની સામુદ્રધુનીમાં શિપિંગ વ્યવહાર સામાન્ય કરવાના પ્રયાસો થઈ રહ્યા છે, પરંતુ હજુ તેમાં સફળતા મળી નથી. આ મહત્વના જળમાર્ગ પર કોઈ કાયમી ઉકેલ ન આવતા મિડલ ઈસ્ટમાંથી ક્રૂડ સપ્લાયને લઈને દુનિયાભરમાં ચિંતાઓ વધી ગઈ છે.

આ તણાવના કારણે બ્રેન્ટ ક્રૂડના ભાવ 1.4% વધીને 83.65 ડોલર પ્રતિ બેરલ પર પહોંચી ગયા છે. તમને જણાવી દઈએ કે, આ વર્ષે અત્યાર સુધીમાં ગ્લોબલ ઓઈલ બેન્ચમાર્કમાં 37% થી વધુનો જંગી વધારો જોવા મળ્યો છે.

અમેરિકન બજાર પર પણ અસર