Closing Bell: સેન્સેક્સ 776 પોઈન્ટ ઉછળ્યો, નિફ્ટી 24000ની નજીક, IT અને મીડિયા શેરોમાં જબરદસ્ત ખરીદી

Closing Bell: ભારતીય શેરબજારમાં સળંગ 5 દિવસથી ચાલી આવતી પડતીનો આખરે અંત આવ્યો છે. બજારમાં આજે એકતરફી અને તોફાની તેજી જોવા મળી હતી. સેન્સેક્સ 776 પોઈન્ટ ઉછળીને બંધ રહ્યો, જ્યારે નિફ્ટી 50 ઇન્ડેક્સે શાનદાર પ્રદર્શન કરતા 24,000 ની નજીક છે. ખાસ કરીને IT, મીડિયા અને રિયલ્ટી સેક્ટરના શેરોમાં રોકાણકારોએ દિલ ખોલીને ખરીદી કરી છે. નાના અને મધ્યમ કદના શેરોમાં પણ આજે જબરદસ્ત રોનક જોવા મળી.

બજારમાં અચાનક તેજી કેમ આવી?

બજારમાં આવેલા આ શાનદાર કમબેક પાછળનું મુખ્ય કારણ આંતરરાષ્ટ્રીય સ્તરે થયેલા સકારાત્મક ફેરફારો છે. અમેરિકા અને ઈરાન વચ્ચે ચાલી રહેલા મિલિટરી હુમલાઓ રોકાઈ ગયા છે. સતત બે અઠવાડિયાની દુશ્મનાવટ બાદ હવે બંને દેશો વચ્ચે ડિપ્લોમેટિક વાતચીત આગળ વધવાની આશા જાગી છે.

આ વૈશ્વિક રાહતના પગલે ક્રૂડ ઓઈલની કિંમતોમાં મોટો કડાકો નોંધાયો છે. તેલની કિંમતો 7.44% ઘટીને દિવસના સૌથી નીચલા સ્તર 89.58 ડોલર પ્રતિ બેરલ પર આવી ગઈ હતી. જ્યારે ઇન્ટરકોન્ટિનેન્ટલ એક્સચેન્જ પર જુલાઈનો ફ્યુચર કોન્ટ્રાક્ટ 4.27% ઘટીને 92.65 ડોલર પ્રતિ બેરલ પર પહોંચ્યો હતો. ભારત માટે સસ્તું ક્રૂડ ઓઈલ હંમેશા બજાર માટે 'બુસ્ટર ડોઝ' નું કામ કરે છે.

શરૂઆતથી જ દેખાયો હતો તેજીનો મૂડ

આજે સવારે 9:17 વાગ્યે જ બજાર ખૂલતાની સાથે નિફ્ટી 156 પોઈન્ટ (0.65%) વધીને 23,923.05 પર ટ્રેડ થઈ રહ્યો હતો. જ્યારે સેન્સેક્સ 537 પોઈન્ટ (0.71%) વધીને 76,596.31 પર પહોંચી ગયો હતો. દિવસભર આ તેજી જળવાઈ રહી અને અંતે નિફ્ટી 24,000 ની આસપાસ શાનદાર રીતે બંધ થયો.

આજના ટોપ ગેઈનર્સ અને લુઝર્સ