Gulf Lloyds IPO Listing: શેરબજારમાં રોકાણકારો હંમેશા લિસ્ટિંગ ગેઈનની આશા સાથે IPOમાં પૈસા લગાવતા હોય છે. પરંતુ, બિઝનેસ સર્વિસીસ સેક્ટરમાં કામ કરતી કંપની ગલ્ફ લોયડ્સના કિસ્સામાં રિટેલ રોકાણકારોને ભારે નિરાશા હાથ લાગી છે. આ કંપનીના શેરનું માર્કેટમાં ડેબ્યુ ખૂબ જ નબળું રહ્યું છે અને લિસ્ટિંગ થતા જ રોકાણકારોને નુકસાન વેઠવાનો વારો આવ્યો છે. ચાલો જાણીએ આ શેરની વર્તમાન સ્થિતિ અને કંપનીના નાણાકીય સ્વાસ્થ્ય વિશે.
Gulf Lloyds IPO Listing: લિસ્ટિંગ થતા જ રોકાણકારોને મોટો ઝટકો! 100 રૂપિયાના શેર પર વાગી લોઅર સર્કિટ
Gulf Lloyds IPO Listing: ગલ્ફ લોયડ્સના આઈપીઓમાં રોકાણ કરનારાઓને મોટો ફટકો પડ્યો છે. BSE SME પર 100 રૂપિયાના ફ્લેટ લિસ્ટિંગ બાદ શેરમાં સીધી 5%ની લોઅર સર્કિટ લાગી છે. જાણો લેટેસ્ટ અપડેટ.
MoneyControl Newsઅપડેટેડ Jul 27, 2026 પર 10:25 AM
ફ્લેટ લિસ્ટિંગ બાદ વાગી લોઅર સર્કિટ
ગલ્ફ લોયડ્સના શેર આજે BSE SME પ્લેટફોર્મ પર લિસ્ટ થયા હતા. કંપનીએ પોતાના IPO હેઠળ શેરની કિંમત 100 રૂપિયા નક્કી કરી હતી. માર્કેટમાં આ શેરની એન્ટ્રી પણ 100.00 રૂપિયાના ભાવે જ એટલે કે એકદમ 'ફ્લેટ' થઈ હતી. આનો સીધો અર્થ એ છે કે રોકાણકારોને લિસ્ટિંગ પર કોઈ જ નફો મળ્યો નથી.
રોકાણકારો માટે મુશ્કેલી ત્યાં વધી જ્યારે લિસ્ટિંગ બાદ તરત જ શેરમાં કડાકો બોલ્યો. શેર તૂટીને સીધો 95.00 રૂપિયાના સ્તરે પહોંચી ગયો અને તેમાં લોઅર સર્કિટ લાગી ગઈ. આ ઘટાડાને કારણે IPO માં પૈસા રોકનાર રોકાણકારો હાલ 5% ના સીધા નુકસાનમાં ચાલી રહ્યા છે.
IPOને મળ્યો હતો શાનદાર પ્રતિસાદ
અગાઉ 20થી 22 જુલાઈ દરમિયાન ખુલેલા આ 18 કરોડ રૂપિયાના IPOને ખાસ કરીને રિટેલ રોકાણકારોએ જોરદાર રિસ્પોન્સ આપ્યો હતો. ઓવરઓલ આ ઈશ્યુ 10.85 ગણો ભરાયો હતો. નોન-ઈન્સ્ટિટ્યૂશનલ ઈન્વેસ્ટર્સ (NII) નો હિસ્સો 2.86 ગણો સબસ્ક્રાઈબ થયો હતો. જ્યારે રિટેલ રોકાણકારો માટે રાખવામાં આવેલો હિસ્સો અધધ 18.83 ગણો ભરાયો હતો. આ IPO હેઠળ 10 રૂપિયાની ફેસ વેલ્યુ ધરાવતા કુલ 18,19,200 નવા શેર ઈશ્યુ કરવામાં આવ્યા છે.
કંપની ક્યાં કરશે આ ફંડનો ઉપયોગ?
IPO દ્વારા ભેગા કરવામાં આવેલા ફંડનો ઉપયોગ કંપની પોતાના બિઝનેસને વિસ્તારવા અને દેવું ઓછું કરવા માટે કરશે.
* 4.01 કરોડ રૂપિયા: ઓફિસ કેપિટલ એક્સપેન્ડિચર માટે.
* 3.00 કરોડ રૂપિયા: કંપની પર રહેલું દેવું ઘટાડવા માટે.
* 7.15 કરોડ રૂપિયા: વર્કિંગ કેપિટલ એટલે કે રોજના ખર્ચા અને કામકાજની જરૂરિયાતો માટે.
* બાકીની રકમનો ઉપયોગ સામાન્ય કોર્પોરેટ હેતુઓ માટે કરવામાં આવશે.
શું કામ કરે છે ગલ્ફ લોયડ્સ?
આ કંપની મુખ્યત્વે થર્ડ-પાર્ટી ઈન્સ્પેક્શન, ઓડિટિંગ, સર્ટિફિકેશન, ટેસ્ટિંગ અને ટ્રેનિંગ જેવી સર્વિસ પૂરી પાડે છે. તે ક્લાયન્ટની પ્રોડક્ટ્સ અને કામકાજની ગુણવત્તા, સુરક્ષાના નિયમોનું પાલન અને ટેકનિકલ બાબતોનું મૂલ્યાંકન કરે છે. કંપનીની રજિસ્ટર્ડ ઓફિસ અમદાવાદમાં આવેલી છે. માત્ર ભારતમાં જ નહીં, પરંતુ અમેરિકા, યુએઈ, ચીન અને જર્મની જેવા દેશોમાં પણ કંપનીએ પોતાના પ્રોજેક્ટ્સ સફળતાપૂર્વક પૂરા કર્યા છે.
કંપનીની નાણાકીય સ્થિતિ
નાણાકીય આંકડાઓ પર નજર કરીએ તો, નાણાકીય વર્ષ 2026ના રિપોર્ટ અનુસાર કંપનીને 4.30 કરોડનો ચોખ્ખો નફો અને 4.30 કરોડ રૂપિયાની કુલ આવક થઈ હતી. જોકે, વર્ષ 2026ના અંતે કંપની પર 15.68 કરોડ રૂપિયાનું કુલ દેવું પણ હતું. સામે પક્ષે, કંપનીના રિઝર્વ અને સરપ્લસ ફંડમાં 8.71 કરોડ રૂપિયા જમા છે.
ગલ્ફ લોયડ્સના આઈપીઓને ભલે સારો પ્રતિસાદ મળ્યો હોય, પરંતુ માર્કેટમાં તેનું લિસ્ટિંગ નબળું રહ્યું છે. હાલમાં શેર લોઅર સર્કિટમાં હોવાથી રોકાણકારોએ કોઈ પણ નવો નિર્ણય લેતા પહેલા માર્કેટના ટ્રેન્ડ અને પોતાના ફાઈનાન્શિયલ એડવાઈઝરની સલાહ લેવી હિતાવહ છે.
ડિસ્ક્લેમર: (આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.