Upcoming IPO: Carlsberg, Coca-Cola અને Pernod Ricard લાવશે IPO, જાણો કોની તૈયારી ક્યાં સુધી પહોંચી

Upcoming IPO: ભારતીય શેરબજાર માટે મોટા સમાચાર સામે આવ્યા છે. દુનિયાની 3 દિગ્ગજ વિદેશી કંપનીઓ હવે પોતાના ભારતીય બિઝનેસને શેરબજારમાં લિસ્ટ કરાવવાની તૈયારી કરી રહી છે. આ કંપનીઓમાં બીયર બનાવતી Carlsberg, સોફ્ટ ડ્રિંક જાયન્ટ Coca-Cola અને શરાબ કંપની Pernod Ricard નો સમાવેશ થાય છે. ત્રણેય કંપનીઓ માટે ભારત ખૂબ જ મોટું બજાર છે અને હવે તેઓ અહીંથી મૂડી એકત્ર કરવા માંગે છે. ચાલો જાણીએ કે કઈ કંપનીની તૈયારી ક્યાં સુધી પહોંચી છે.

Carlsberg સૌથી આગળ, SEBI પાસે DRHP ફાઈલ કર્યું

ડેન્માર્કની બીયર કંપની Carlsberg આ મામલે સૌથી આગળ છે. કંપનીએ 28 ઓક્ટોબરે SEBI પાસે અપડેટેડ ડ્રાફ્ટ રેડ હેરિંગ પ્રોસ્પેક્ટસ ફાઈલ કરી દીધું છે. કંપનીના CFO Ulrica Fearn એ ત્રીજા ક્વાર્ટરના પરિણામો દરમિયાન આ વાતની પુષ્ટિ કરી હતી. તેમણે જણાવ્યું કે હવે સંભવિત રોકાણકારો સાથે બેઠકો શરૂ કરવામાં આવી રહી છે.

જોકે, IPO ની તારીખ અને સાઈઝ વિશે કંપનીએ હજુ સુધી કોઈ માહિતી આપી નથી. Carlsberg ભારતમાં Tuborg, Carlsberg Elephant અને Kronenbourg 1664 Blanc જેવા લોકપ્રિય બ્રાન્ડ વેચે છે.

Pernod Ricard ને બોર્ડની મંજૂરીની રાહ

ફ્રાન્સની મોટી શરાબ કંપની Pernod Ricard પણ ભારતીય બિઝનેસનો IPO લાવવા માંગે છે. પરંતુ હજુ કંપનીના બોર્ડ પાસેથી અંતિમ મંજૂરી મળી નથી. કંપનીના એક્ઝિક્યુટિવ વાઈસ પ્રેસિડેન્ટ Maud Croizat ના જણાવ્યા મુજબ, બોર્ડે IPO ની તૈયારીઓ ચાલુ રાખવાનો નિર્દેશ આપ્યો છે.

સપ્ટેમ્બર ક્વાર્ટરમાં કંપનીના ભારતમાં વેચાણમાં 19%નો ધરખમ વધારો થયો છે. Pernod Ricard પાસે Absolut, Jameson, Chivas Regal અને Ballantine's જેવા દુનિયાભરમાં જાણીતા બ્રાન્ડ છે.