Share Market : શેરબજારમાં તેજીનો ધમધમાટ, સેન્સેક્સ 650 પોઈન્ટ ઉછળ્યો, નિફ્ટી 24150 ને પાર

Share Market : ભારતીય શેરબજાર માટે સપ્તાહની શરૂઆત શાનદાર રહી છે. ગ્લોબલ માર્કેટના પોઝિટિવ સંકેતો અને સ્થાનિક મોરચે ચૂંટણી પરિણામોના ટ્રિગરને કારણે આજે બજારમાં જોરદાર તેજી જોવા મળી રહી છે. શરૂઆતી કારોબારમાં જ સેન્સેક્સ 650 પોઈન્ટ ઉછળ્યો છે, જ્યારે નિફ્ટી 24150 ની મહત્વની સપાટી પાર કરી ગયો છે.

ગ્લોબલ માર્કેટના મજબૂત સંકેત

ગિફ્ટ નિફ્ટી (GIFT Nifty) એ સવારે જ 150 પોઈન્ટના ઉછાળા સાથે બજાર ગ્રીન ઝોનમાં ખુલવાના સંકેત આપી દીધા હતા. અમેરિકી બજારોમાં પણ જોરદાર તેજી જોવા મળી છે, જ્યાં નેસ્ડેક અને S&P 500 ઇન્ડેક્સ નવા રેકોર્ડ સ્તરે પહોંચ્યા છે. એશિયન બજારોમાં પણ તેજીનો માહોલ છે, જેમાં દક્ષિણ કોરિયાનો કોસ્પી (Kospi) નવી ઊંચાઈ પર ટ્રેડ થઈ રહ્યો છે.

બજાજ ઓટોના શેરમાં રોકેટ ગતિએ તેજી

આજના બજારમાં બજાજ ઓટો (Bajaj Auto) આકર્ષણનું કેન્દ્ર બન્યો છે. કંપનીએ એપ્રિલ મહિનાના વેચાણના આંકડા જાહેર કર્યા છે, જે ખૂબ જ પ્રોત્સાહક છે:

કુલ વેચાણ: વાર્ષિક ધોરણે 40% વધીને 5.13 લાખ યુનિટ થયું છે.

નિકાસ: એક્સપોર્ટમાં 83% નો તોતિંગ વધારો જોવા મળ્યો છે.