Get App

Share Market Crash: માત્ર 5 સેકન્ડમાં 7 લાખ કરોડ સ્વાહા! સેન્સેક્સમાં 1600 પોઈન્ટનો કડાકો, નિફ્ટી 23300ની નીચે ખાબક્યો

Share Market Crash: આજે શેરબજાર ખુલતાની સાથે જ મોટો હાહાકાર મચી ગયો છે. માત્ર 5 સેકન્ડમાં રોકાણકારોના 7 લાખ કરોડ ડૂબી ગયા. સેન્સેક્સ 1600 પોઈન્ટ તૂટ્યો અને નિફ્ટી 23300 ની નીચે ગયો. જાણો માર્કેટમાં આવેલા આ ભૂકંપનું મુખ્ય કારણ.

MoneyControl Newsઅપડેટેડ Mar 19, 2026 પર 9:41 AM
Share Market Crash: માત્ર 5 સેકન્ડમાં 7 લાખ કરોડ સ્વાહા! સેન્સેક્સમાં 1600 પોઈન્ટનો કડાકો, નિફ્ટી 23300ની નીચે ખાબક્યોShare Market Crash: માત્ર 5 સેકન્ડમાં 7 લાખ કરોડ સ્વાહા! સેન્સેક્સમાં 1600 પોઈન્ટનો કડાકો, નિફ્ટી 23300ની નીચે ખાબક્યો
Share Market Crash: આજે શેરબજાર ખુલતાની સાથે જ મોટો હાહાકાર મચી ગયો છે.

Share Market Crash: વૈશ્વિક બજારોમાં મચેલા હાહાકારની સીધી અસર આજે ભારતીય શેરબજાર પર જોવા મળી છે. માર્કેટ ખુલતાની સાથે જ જાણે ભૂકંપ આવી ગયો હોય તેવી સ્થિતિ સર્જાઈ હતી. છેલ્લા 3 દિવસથી બજારમાં જે તેજી જોવા મળી રહી હતી અને રોકાણકારોએ 9 લાખ કરોડથી વધુની કમાણી કરી હતી, તેના પર આજે પાણી ફરી વળ્યું છે. રોકાણકારોને સવાર-સવારમાં જ એવો મોટો શૉક લાગ્યો કે માત્ર 5 સેકન્ડમાં તેમની 7 લાખ કરોડની સંપત્તિ ધોવાઈ ગઈ.

બજારમાં આટલા મોટા કડાકાનું મુખ્ય કારણ શું છે?

શેરબજારમાં આવેલા આ મહાકડાકા પાછળ સૌથી મોટું કારણ આંતરરાષ્ટ્રીય સ્તર પર ચાલી રહેલો તણાવ છે. ઈરાન અને અમેરિકા વચ્ચે ધીમે ધીમે યુદ્ધની સ્થિતિ ગંભીર બની રહી છે. આ બે દેશો વચ્ચે વધતી લડાઈના કારણે કાચા તેલ (Crude Oil) ના ભાવમાં ભડકો થયો છે. બ્રેન્ટ ક્રૂડની કિંમત પ્રતિ બેરલ $112 ની પાર પહોંચી ગઈ છે. આ જ કારણથી વૈશ્વિક બજારોમાં ડરનો માહોલ છે, અને તેની સીધી આગ ભારતીય બજારને પણ લાગી છે.

આજે સેન્સેક્સની વિકલી એક્સપાયરી (Weekly Expiry)નો દિવસ છે અને નિફ્ટીના તમામ સેક્ટર લાલ નિશાનમાં ટ્રેડ થઈ રહ્યા છે. મિડકેપ અને સ્મોલકેપ શેરોમાં પણ રોકાણકારો ફટાફટ પોતાનો માલ વેચી રહ્યા હોવાથી ભારે દબાણ જોવા મળી રહ્યું છે.

સેન્સેક્સ અને નિફ્ટીના આંકડાઓ પર એક નજર

જો આપણે ઇક્વિટી બેન્ચમાર્ક ઇન્ડેક્સની વાત કરીએ તો આજના ઘટાડાએ બજારની કમર તોડી નાખી છે:

BSE Sensex: સેન્સેક્સ 1645.41 પોઈન્ટ (એટલે કે 2.15%) તૂટીને 75,058.72 ના સ્તર પર પહોંચી ગયો છે.

બધા સમાચાર

+ વધુુ વાંચો