Share Market : બજાર ખુલતા જ 5 સેકન્ડમાં રોકાણકારો કમાયા 2.78 લાખ કરોડ, સેન્સેક્સમાં 800 પોઈન્ટનો ઉછાળો, નિફ્ટી 24200 પાર

Share Market : આજે શેરબજાર ખુલતાની સાથે જ રોકાણકારો પર ધનની વર્ષા થઈ છે. ગ્લોબલ માર્કેટમાં કાચા તેલના ભાવમાં ઉછાળો હોવા છતાં, વેલ્યુ બાઈંગના કારણે ભારતીય બજારમાં જબરદસ્ત રોનક જોવા મળી છે. શરૂઆતી કારોબારમાં જ સેન્સેક્સમાં લગભગ 800 પોઈન્ટનો મોટો ઉછાળો આવ્યો અને નિફ્ટી પણ 24200 ની સપાટી વટાવી ગયો છે.

બજારના મુખ્ય ઈન્ડેક્સની લેટેસ્ટ સ્થિતિ

બ્રોડર માર્કેટમાં પણ સારો માહોલ છે. નિફ્ટી મિડકેપ 100 અને નિફ્ટી સ્મોલકેપ 100 માં લગભગ અડધા ટકાની મજબૂતી જોવા મળી છે. સવારે 09:21 વાગ્યાની આસપાસ બજારની સ્થિતિ કંઈક આવી હતી.સેન્સેક્સ 662.66 પોઈન્ટ (0.86%)ના ઉછાળા સાથે 77,428.58 પર ટ્રેડ કરી રહ્યો હતો. બજાર ખુલતા જ તે 793.56 પોઈન્ટ ઉછળીને 77,559.48 ની ટોચે પહોંચ્યો હતો. નિફ્ટી 50 (Nifty 50): 194.60 પોઈન્ટ (0.81%) ના વધારા સાથે 24,179.95 ના સ્તર પર હતો. જે શરૂઆતમાં 217.85 પોઈન્ટ વધીને 24,203.20 સુધી પહોંચી ગયો હતો.

રોકાણકારોને માત્ર 5 સેકન્ડમાં 2.78 લાખ કરોડનો ફાયદો

આજના ઉછાળાથી BSE પર લિસ્ટેડ કંપનીઓનું માર્કેટ કેપ અઢી લાખ કરોડ રૂપિયાથી વધુ વધી ગયું છે. ગયા ટ્રેડિંગ સેશનમાં (28 જુલાઈ 2026) BSE પર લિસ્ટેડ તમામ શેરોનું કુલ માર્કેટ કેપ 4,79,07,917.44 કરોડ હતું. આજે બજાર ખુલતા જ તે વધીને 4,81,86,128.26 કરોડ પર પહોંચી ગયું. આનો સીધો અર્થ એ છે કે રોકાણકારોની મૂડીમાં માત્ર ગણતરીની સેકન્ડોમાં 2,78,210.82 કરોડનો જંગી વધારો થયો છે.

કયા સેક્ટર અને શેરોમાં છે તેજી?

આજે રિયલ્ટી અને ઓઇલ એન્ડ ગેસ સેક્ટર સિવાય લગભગ તમામ નિફ્ટી સેક્ટોરલ ઈન્ડેક્સ લીલા નિશાનમાં છે. ખાસ કરીને IT સેક્ટરમાં રોકાણકારોનો સૌથી વધુ ઉત્સાહ છે. આઈટી ઇન્ડેક્સ લગભગ 2.5% ઉછળ્યો છે.