Tata Communications ના શેરમાં 7% થી વધુનો ઉછાળો: મેનેજમેન્ટ બદલાતા જ શેરને લાગ્યા પાંખો!

Tata Communications Share: ટેલિકોમ સેક્ટર સાથે જોડાયેલી ટાટા ગ્રુપની કંપની ટાટા કોમ્યુનિકેશન્સના શેરમાં મેનેજમેન્ટમાં થયેલા એક મોટા બદલાવના સમાચાર બાદ જોરદાર તેજી જોવા મળી છે. આ જાહેરાત બાદ કંપનીના શેરમાં 7 ટકાથી વધુનો ઉછાળો નોંધાયો હતો, જેને રોકાણકારોમાં ભારે ઉત્સાહ જગાવ્યો છે.

મેનેજમેન્ટમાં મહત્વપૂર્ણ નિમણૂક

કંપનીએ ગણપતિ એસ. લક્ષ્મીનારાયણનને મેનેજિંગ ડિરેક્ટર (MD) અને ચીફ એક્ઝિક્યુટિવ ઓફિસર (CEO) ના પદ પર નિયુક્ત કર્યા છે. આ નિમણૂકની જાહેરાત થયા બાદ મંગળવારે બપોરે 2:35 વાગ્યે NSE પર ટાટા કોમ્યુનિકેશન્સનો શેર 7.28 ટકાના ઉછાળા સાથે 1766.40 રૂપિયાના સ્તરે ટ્રેડ થતો જોવા મળ્યો હતો.

કંપનીએ એક રેગ્યુલેટરી ફાઇલિંગમાં જણાવ્યું હતું કે, "કંપનીના બોર્ડ ઓફ ડિરેક્ટર્સે આજે શ્રી ગણપતિ એસ. લક્ષ્મીનારાયણનને કંપનીના એડિશનલ ડિરેક્ટર અને મેનેજિંગ ડિરેક્ટર અને ચીફ એક્ઝિક્યુટિવ ઓફિસર તરીકે નિયુક્ત કરવા મંજૂરી આપી દીધી છે, જે 20 મે, 2026 થી 19 મે, 2031 સુધી પાંચ વર્ષના કાર્યકાળ માટે હશે (બંને દિવસો શામેલ છે), જે કંપનીના શેરહોલ્ડર્સની મંજૂરી પર આધારિત છે."

ફાઇલિંગમાં વધુમાં જણાવાયું છે કે નોમિનેશન અને રેમ્યુનરેશન કમિટીની ભલામણના આધારે બોર્ડે આ નિમણૂકને મંજૂરી આપી હતી. લક્ષ્મીનારાયણનને બોર્ડમાં એડિશનલ ડિરેક્ટર તરીકે પણ નિયુક્ત કરવામાં આવ્યા છે.

કોણ છે ગણપતિ એસ. લક્ષ્મીનારાયણન?

ગણપતિ એસ. લક્ષ્મીનારાયણન ત્રણ દાયકાથી વધુનો આંતરરાષ્ટ્રીય મેનેજમેન્ટ અનુભવ ધરાવે છે. તેમણે મલ્ટીનેશનલ કોર્પોરેશન્સ, B2B સ્ટાર્ટઅપ્સ અને ભારતીય એન્ટરપ્રાઇઝિસ સાથે કામ કર્યું છે.