Stock Market Surge: 5 કારણોથી સેન્સેક્સ 300 અંક વધ્યો, નિફ્ટી 24,850 ની પાર

યુએસ ફેડરલ રિઝર્વ વ્યાજ દરમાં ઘટાડો કરે તેવી અપેક્ષા

નબળા યુએસ જોબ રિપોર્ટથી રોકાણકારોની આશા મજબૂત થઈ છે કે ફેડરલ રિઝર્વ તેની આગામી બેઠકમાં વ્યાજ દરમાં ઘટાડો કરવાનો નિર્ણય લઈ શકે છે. ફેડરલ રિઝર્વની આ બેઠક 16-17 સપ્ટેમ્બરના રોજ યોજાવાની છે. HDFC સિક્યોરિટીઝના પ્રાઇમ રિસર્ચ હેડ દેવર્ષિ વકીલે જણાવ્યું હતું કે, "શુક્રવારના નબળા નોન-ફાર્મ પેરોલ રિપોર્ટથી યુએસ જોબ માર્કેટ અને ત્યાંના અર્થતંત્રમાં સંભવિત મંદી અંગે ચિંતા વધી છે. રોકાણકારો હવે આ વર્ષે વ્યાજ દરમાં અનેક ઘટાડાની અપેક્ષા રાખી રહ્યા છે."

ગ્લોબલ માર્કેટમાં તેજી

એશિયામાં, દક્ષિણ કોરિયાનો કોસ્પી, જાપાનનો નિક્કી 225 અને હોંગકોંગનો હેંગ સેંગ ઇન્ડેક્સ વધારા સાથે ટ્રેડ કરી રહ્યા હતા. વોલ સ્ટ્રીટ પર, નાસ્ડેક ઇન્ડેક્સ નવા સર્વકાલીન ઉચ્ચ સ્તરે પહોંચ્યો. S&P 500 ઇન્ડેક્સ પણ વધ્યો, જ્યારે યુએસ સ્ટોક ફ્યુચર્સ પણ સકારાત્મક શરૂઆત તરફ ઇશારો કરી રહ્યા હતા.

GST દરમાં ઘટાડાને કારણે સેન્ટિમેન્ટમાં થયો સુધારો

રોજિંદા જીવનજરૂરી ચીજવસ્તુઓ અને વ્યક્તિગત ઉપયોગની વસ્તુઓ પર GST દરમાં ઘટાડાની તાજેતરની જાહેરાતથી પણ બજારના સેન્ટિમેન્ટને મજબૂતી મળી. જિયોજિત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ વીકે વિજયકુમારે જણાવ્યું હતું કે, "GST સુધારાથી ઓટો સેક્ટરને સૌથી વધુ ફાયદો થયો છે અને 22 સપ્ટેમ્બર પછી પણ માંગ મજબૂત રહેવાની અપેક્ષા છે."

રૂપિયામાં તેજી

સ્થાનિક શેરબજારમાં સુધારાને કારણે શરૂઆતના વેપારમાં રૂપિયો અમેરિકન ડોલર સામે 14 પૈસા વધીને 87.95 પર પહોંચ્યો હતો. જોકે, ભારત પર યુએસ ટેરિફ અંગે ચિંતા અને વૈશ્વિક અનિશ્ચિતતાઓને કારણે ટ્રેડર્સ સાવધ રહેલા છે.

ટેકનિકલ નિષ્ણાતો શું કહેવુ છે?

ટેકનિકલ મોરચે, જિયોજિત ફાઇનાન્શિયલ સર્વિસીસના ચીફ ઇન્વેસ્ટમેન્ટ સ્ટ્રેટેજિસ્ટ આનંદ જેમ્સે જણાવ્યું હતું કે, "24,870 ના સ્તર પર પહોંચ્યા પછી તેજીનો મોમેન્ટમ અદૃશ્ય થઈ ગયો, જેને અમે એક મહત્વપૂર્ણ પીવોટ તરીકે જોયું. ઓસિલેટર વધુ ઉછાળા માટે અનુકૂળ રહે છે. નિફ્ટી 24,730-870 ના સ્તરથી ઉપર બંધ થયા પછી થોડી સ્પષ્ટતા થશે."

ઇંફોસિસ ના શેરોમાં આવ્યો વધારો, કંપની શેર બાયબેકની તૈયારીમાં