Stocks to watch today: વૈશ્વિક બજારમાં ઈરાન અને ઈઝરાયેલ વચ્ચે ચાલી રહેલા યુદ્ધની અસર હવે દુનિયાભરના શેરબજારો પર સ્પષ્ટ દેખાઈ રહી છે. મિડલ ઈસ્ટના આ તણાવ વચ્ચે ભારતીય શેરબજાર માટે પણ ગેપ ડાઉન’ ઓપનિંગ થઇ છે.
Stocks to watch today: આજના દિવસે શેરબજારમાં મચશે આ સ્ટોક મચાવશે હાહાકાર! રિલાયન્સ, LIC અને SBI સહિત આ શેરો પર રાખજો નજર
Stocks to watch today: ઈરાન-ઈઝરાયેલ યુદ્ધ અને ગિફ્ટ નિફ્ટીના સંકેતોથી આજે શેરબજારમાં મોટા કડાકાની શક્યતા છે. રિલાયન્સ, LIC, SBI અને HAL સહિતના આજના ટોપ ટ્રેડિંગ શેર્સનું લિસ્ટ જુઓ.
MoneyControl Newsઅપડેટેડ Mar 04, 2026 પર 9:19 AM
ગયા ટ્રેડિંગ સેશનની વાત કરીએ તો, નિફ્ટીની વીકલી એક્સપાયરીના દિવસે સેન્સેક્સ (Sensex) 1048.34 પોઈન્ટ (1.29%) ઘટીને 80,238.85 ની સપાટીએ અને નિફ્ટી 50 (Nifty 50) 312.95 પોઈન્ટ (1.24%) ના ઘટાડા સાથે 24,865.70 પર બંધ થયો હતો. આજે બજારમાં અમુક કંપનીઓની કોર્પોરેટ એક્ટિવિટીઝ અને ફેબ્રુઆરીના વેચાણના આંકડાઓને કારણે ભારે હલચલ જોવા મળી શકે છે. ચાલો જાણીએ આજે કયા શેરો પર નજર રાખવી જોઈએ.
આજના ટોપ સ્ટોક્સ: જેમના પર રહેશે સૌની નજર
Reliance Industries (રિલાયન્સ ઇન્ડસ્ટ્રીઝ): જિયો પ્લેટફોર્મ્સે ડેન બેલીને પ્રેસિડેન્ટ તરીકે નિયુક્ત કર્યા છે. તેઓ કંપનીના ઈન્ટરનેશનલ બિઝનેસની કમાન સંભાળશે. લંડનમાં બેસીને કામ કરતા ડેન હવે રિલાયન્સ જિયો ઇન્ફોકોમના ચેરમેન આકાશ અંબાણીને રિપોર્ટ કરશે. આ અગાઉ તેઓ ડ્યુશ બેંકમાં કામ કરી ચૂક્યા છે.
Hindustan Aeronautics Ltd (HAL): સંરક્ષણ મંત્રાલયે ઇન્ડિયન કોસ્ટ ગાર્ડ માટે 6 એડવાન્સ્ડ લાઇટ હેલિકોપ્ટર અને નેવી માટે મિસાઇલ સિસ્ટમ તૈયાર કરવા HAL સાથે 5083 કરોડનો મોટો કોન્ટ્રાક્ટ કર્યો છે.
Dabur India (ડાબર ઇન્ડિયા): ડાબર ઇન્ડિયાએ નવી પેઢીની લક્ઝરી સ્કીનકેર કંપની RAS Beauty માં માઈનોરિટી હિસ્સો ખરીદવા માટે 60 કરોડનો કરાર કર્યો છે.
JSW Cement (જેએસડબ્લ્યુ સિમેન્ટ): કંપનીએ આસામમાં 200 હેક્ટર વિસ્તારમાં ફેલાયેલા બે ચૂનાના પથ્થર (લાઇમસ્ટોન) બ્લોક માટે માઇનિંગ લીઝની બોલી જીતી લીધી છે.
LIC (એલઆઇસી): એલઆઇસીના CFO સુનીલ અગ્રવાલનો કાર્યકાળ એક વર્ષ માટે વધારીને 1 માર્ચ 2027 સુધી કરી દેવામાં આવ્યો છે.
State Bank of India - SBI (એસબીઆઇ): SBI ના ડેપ્યુટી MD અને હેડ (ડિજિટલ બેન્કિંગ એન્ડ ટ્રાન્સફોર્મેશન) નો કોન્ટ્રાક્ટ 3 માર્ચે પૂરો થઈ ગયો છે.
બજારમાં થયેલી મુખ્ય બલ્ક ડીલ્સ (Bulk Deals)
Dev Information Technology: અમેરિકાની Xduce Technologies એ કંપનીના 51.25 લાખ શેર (9.09% હિસ્સો) પ્રતિ શેર 23.33 ના ભાવે 11.95 કરોડમાં ખરીદ્યા છે. બીજી તરફ પ્રમોટર્સે પોતાનો 9.03% હિસ્સો વેચ્યો છે, જેમાં પ્રણવ પંડ્યા, કૃતિ પંડ્યા અને જૈમીન શાહનો સમાવેશ થાય છે.
Clean Max Enviro: સિટીગ્રુપ ગ્લોબલ માર્કેટ્સ મોરેશિયસે કંપનીના 8.28 લાખ શેર (0.7% હિસ્સો) 846.72 ના ભાવે 70.18 કરોડમાં વેચી દીધા છે.
Kiaasa Retail: ક્રાફ્ટ ઈમર્જિંગ માર્કેટ ફંડે 123 ના ભાવે 1.96 લાખ શેર 2.41 કરોડમાં ખરીદ્યા છે. જ્યારે લોંગથ્રાઈવ કેપિટલ અને બ્રિમિંગ વેલ્થ એડવાઈઝર્સે પણ સમાન ભાવે 1.2 લાખ શેર્સ ખરીદ્યા છે.
Sical Logistics: પીઢ રોકાણકાર પોરિંજુ વેલિયાથની ઇક્વિટી ઇન્ટેલિજન્સ ઇન્ડિયાએ સિકલ લોજિસ્ટિક્સના 2.35 લાખ રાઇટ્સ શેર 0.91 ના ભાવે ખરીદ્યા છે.
અન્ય મહત્વના અપડેટ્સ
લિસ્ટિંગ: આજે શેરબજારમાં PNGS Reva Diamond Jewellery નું લિસ્ટિંગ થવા જઈ રહ્યું છે.
એક્સ-ડેટ: નેપરોલ ઈન્વેસ્ટમેન્ટ્સ (ડિવિડન્ડ માટે) અને NB ટ્રેડ એન્ડ ફાઇનાન્સ (રાઇટ્સ માટે) ની આજે એક્સ-ડેટ છે.
F&O પ્રતિબંધ: સમ્માન કેપિટલ (Samman Capital) ના શેરમાં આજે ફ્યુચર્સ અને ઓપ્શન્સ (F&O) માં કોઈ નવી પોઝિશન બનાવી શકાશે નહીં.
વૈશ્વિક પરિબળો અને ગિફ્ટ નિફ્ટીના નકારાત્મક સંકેતોને જોતા આજે બજારમાં સાવચેતીપૂર્વક વેપાર કરવો જરૂરી છે. ઉપર જણાવેલા શેર્સમાં આજે મોટા ઉતાર-ચઢાવ જોવા મળી શકે છે.
(ડિસ્ક્લેમર: મનીકંટ્રોલ એ નેટવર્ક18 ગ્રુપનો ભાગ છે. નેટવર્ક18 નું નિયંત્રણ ઈન્ડિપેન્ડન્ટ મીડિયા ટ્રસ્ટ પાસે છે, જેના એકમાત્ર લાભાર્થી રિલાયન્સ ઇન્ડસ્ટ્રીઝ છે. અહીં આપેલી માહિતી માત્ર જાણકારી માટે છે. શેરબજારમાં રોકાણ જોખમોને આધીન છે. કોઈપણ રોકાણ કરતા પહેલા તમારા આર્થિક સલાહકારની મદદ ચોક્કસ લો.)
ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.