Suzlon Energy : સુઝલોનને મળ્યો મોટો ઓર્ડર, ટાટા સાથે ઐતિહાસિક ભાગીદારી

Suzlon Energy : વિન્ડ ટર્બાઇન બનાવતી દેશની સૌથી મોટી અને જાણીતી કંપનીઓમાં સામેલ સુઝલોન એનર્જી માટે એક ખૂબ જ સારા સમાચાર આવ્યા છે. સુઝલોન અને ટાટા પાવર વચ્ચેની વ્યાપારી ભાગીદારી હવે વધુ મજબૂત બની ગઈ છે. ટાટા પાવર રિન્યુએબલ એનર્જી તરફથી સુઝલોનને 400 મેગાવોટનો એક નવો EPC ઓર્ડર મળ્યો છે. આ મોટા ઓર્ડર સાથે જ બંને કંપનીઓ વચ્ચે હવે 4 અલગ-અલગ રાજ્યોમાં કુલ 1 ગીગાવોટથી વધુ ક્ષમતાની ભાગીદારી નોંધાઈ ચૂકી છે.

કેવો છે આ નવો ઓર્ડર અને ક્યાં થશે કામ?

આજે 25 જૂનના રોજ એક્સચેન્જ ફાઇલિંગમાં કંપની દ્વારા આપવામાં આવેલી માહિતી મુજબ, આ નવો ઓર્ડર સુઝલોનના નવા DevCo બિઝનેસ મોડલ હેઠળ મળ્યો છે. ખાસ વાત એ છે કે ટાટા પાવર તરફથી સુઝલોનને મળેલો આ ચોથો ઓર્ડર છે, જ્યારે છેલ્લા 12 મહિનામાં આ બીજો રિપીટ ઓર્ડર છે.

આ નવા પ્રોજેક્ટનું કામ આંધ્રપ્રદેશના અનંતપુર જિલ્લામાં કરવામાં આવશે. આ ઓર્ડર મળતાની સાથે જ આંધ્રપ્રદેશમાં સુઝલોનનું ઓર્ડર બુકિંગ હવે લગભગ 1 ગીગાવોટ જેટલું થઈ ગયું છે. હાલમાં આંધ્રપ્રદેશમાં કંપનીનો ઇન્સ્ટોલ્ડ બેઝ 1.8 ગીગાવોટ છે, જે સમગ્ર દક્ષિણ ભારતમાં કંપનીની કુલ ઇન્સ્ટોલ્ડ કેપેસિટીના 28.44% જેટલો મોટો હિસ્સો ધરાવે છે.

પ્રોજેક્ટમાં સુઝલોન શું કામ કરશે?

ટાટા પાવર સાથેના આ નવા પ્રોજેક્ટમાં સુઝલોન તેના અત્યાધુનિક S144 વિન્ડ ટર્બાઇન જનરેટરની 127 યુનિટ સપ્લાય કરશે. આ દરેક યુનિટની ક્ષમતા 3.15 મેગાવોટની રહેશે. આ માત્ર મશીન સપ્લાય કરવાનો ઓર્ડર નથી, પરંતુ આમાં કંપનીએ જમીન સંપાદનથી લઈને ટર્બાઇન સપ્લાય કરવા, બેલેન્સ ઓફ પ્લાન્ટ (BoP), પૂલિંગ સબસ્ટેશન (PSS), એક્સ્ટ્રા-હાઈ વોલ્ટેજ (EHV) ટ્રાન્સમિશન લાઇન નાખવી, કમિશનિંગ અને છેલ્લે O&M (ઓપરેશન્સ એન્ડ મેન્ટેનન્સ) સેવાઓ સુધીની તમામ જવાબદારીઓ સંભાળવાની છે.

શેરબજારમાં સુઝલોનની હાલની સ્થિતિ