Arvind Kejriwal: કેજરીવાલ બાદ સુનીતાએ સંભાળી કમાન, AAPનું નવું અભિયાન કર્યું શરૂ

Arvind Kejriwal: અરવિંદ કેજરીવાલની ધરપકડ બાદ તેમની પત્ની સુનીતા કેજરીવાલની આમ આદમી પાર્ટીમાં સક્રિયતા સતત વધી રહી છે. પતિની ધરપકડને લઈને કેન્દ્ર સરકાર સામે મોરચો ખોલ્યા બાદ હવે તેણે પાર્ટી માટે નવું અભિયાન શરૂ કર્યું છે. 'કેજરીવાલ કો આશીર્વાદ' અભિયાનની શરૂઆત કરતા સુનીતા કેજરીવાલે વોટ્સએપ નંબર જાહેર કર્યો.

સુનીતા કેજરીવાલે તેમના પતિની તુલના સ્વાતંત્ર્ય સેનાની સાથે કરી હતી અને કહ્યું હતું કે તેમના રોમ રોમમાં દેશભક્તિ સમાયેલી છે. તેમણે કેન્દ્ર સરકાર પર એમ કહીને નિશાન સાધ્યું કે કેજરીવાલે તાનાશાહી પક્ષોને પડકાર ફેંક્યો છે. સુનીતાએ કહ્યું, 'તમે સાંભળ્યું જ હશે કે ગઈ કાલે અરવિંદજીએ કોર્ટમાં પોતાનો પક્ષ રજૂ કર્યો હતો. જો તમે તે સાંભળ્યું ન હોય, તો કૃપા કરીને સાંભળો. તેમણે કોર્ટની સામે જે કહ્યું તેના માટે ઘણી હિંમતની જરૂર હતી. તેઓ સાચા દેશભક્ત છે. આપણા સ્વાતંત્ર્ય સેનાનીઓ બ્રિટિશ સરમુખત્યારશાહી સામે આ રીતે લડ્યા હતા. હું છેલ્લા 30 વર્ષથી તેમની સાથે છું. તેમના શરીરના રોમ રોમમાં દેશભક્તિ હાજર છે. અરવિંદજીએ દેશની સૌથી શક્તિશાળી, ભ્રષ્ટ અને તાનાશાહી શક્તિઓને પડકાર ફેંક્યો છે.

આ પણ વાંચો - IPL 2024: ફેન્સ બુમો પાડી રહ્યા હતા રોહિત-રોહિત, હાર્દિક પંડ્યાની આ હરકત કેમેરામાં થઈ કેદ, વીડિયો લીક થતાં જ MI કેપ્ટન થયો ટ્રોલ