ASSEMBLY ELECTIONS 2023: પાંચ રાજ્યોની ચૂંટણી જાહેર, મિઝોરમમાં 7 નવેમ્બર મતદાન થશે, 3 ડિસેમ્બરે તમામ રાજ્યોની મત ગણતરી

5 ડિસેમ્બરે તમામ 5 રાજ્યોમાં ચૂંટણી પ્રક્રિયા તમામ રીતે પૂરી થઈ જશે.

છત્તીસગઢમાં નક્સલ પ્રભાવિત વિસ્તારોનાં કારણે બે તબક્કામાં મતદાન કરાવવામાં આવશે. બાકીનાં તમામ 4 રાજ્યોમાં એક જ તબક્કામાં મતદાન થશે.

CEC રાજીવ કુમારે જણાવ્યું હતું કે, 17 ઓક્ટોબરથી મતદાર યાદી જાહેર કરવામાં આવશે. આ 5 રાજ્યોમાં 1.77 લાખ પોલિંગ બૂથ બનાવવામાં આવશે. મતદાન મથક 2 કિલોમીટરથી દૂર નહીં હોય. 17 ઓક્ટોબરથી 30 નવેમ્બર સુધી કોઈપણ વ્યક્તિ મતદાર યાદી સંબંધિત કોઈપણ ફેરફાર કરી શકે છે. મતદાર યાદી સંબંધિત ફેરફારો આ ફેરફાર વેબસાઈટ દ્વારા પણ કરી શકાશે.

મુખ્ય ચૂંટણી કમિશનર રાજીવ કુમારે (ELECTION COMMISSIONER RAJIV KUMAR) જણાવ્યું હતું કે, ચૂંટણી પંચે તમામ 5 રાજ્યોની મુલાકાત લીધી હતી અને તમામ રાજ્યોના રાજકીય પક્ષો સાથે બેઠકો કરી હતી. અમે રાજકીય પક્ષોના નેતાઓને પણ મળ્યા હતા અને તેમના સૂચનો અને પ્રતિભાવો પણ લીધા હતા. આ સિવાય સરકારી એજન્સીઓ અને રાજ્ય સરકારો સાથે બેઠક યોજાઈ હતી.

રાજસ્થાનમાં આ વખતે PM vs CM?

રાજસ્થાનમાં પીએમ નરેન્દ્ર મોદી અને મુખ્યમંત્રી અશોક ગેહલોત વચ્ચે સીધી સ્પર્ધાની સ્થિતિ સર્જાઈ છે. જે અગાઉની 2013 અને 2018ની વિધાનસભા ચૂંટણીઓથી આ ચૂંટણીને ખાસ્સી અલગ બનાવે છે. કોંગ્રેસ નેતા રાહુલ ગાંધીએ તે ચૂંટણીઓમાં નેતૃત્વ કર્યું હતું, પરંતુ આ વખતે અશોક ગેહલોત પોતે ફ્રન્ટ ફૂટ પર રહ્યા છે. બીજો તફાવત એ છે કે 2013 અને 2018ની ચૂંટણીને વસુંધરા વિરુદ્ધ ગેહલોતની હરીફાઈ તરીકે રજૂ કરવામાં આવી હતી, જોકે, આ વખતે રાજે ચિત્રમાં નથી. તેથી સ્પષ્ટ છે કે આ વખતે મુકાબલો મોદી અને ગેહલોતનો હશે. અગાઉ કોંગ્રેસના રાજસ્થાન પ્રભારી સુખવિંદર રંધાવાએ કહ્યું કે અશોક ગેહલોત અને સચિન પાયલટ વચ્ચે કોઈ મતભેદ નથી. અમને જીતને લઈને ઘણો વિશ્વાસ છે.

આ પણ વાંચો - Business Idea: માત્ર 10,000થી શરૂ કરો ટોપના આ 5 બિઝનેસ, થોડા જ સમયમાં બની જશો અમીર