સુપ્રીમ કોર્ટમાંથી રાહુલ ગાંધીને મોટી રાહત: માનહાનિ કેસના ટ્રાયલ પર લગાવી રોક, 4 સપ્તાહમાં માંગ્યો જવાબ

લોકસભામાં વિપક્ષના નેતા રાહુલ ગાંધીને સુપ્રીમ કોર્ટ તરફથી એક મોટી કાનૂની રાહત મળી છે. વડાપ્રધાન નરેન્દ્ર મોદી પર કરવામાં આવેલી કથિત ટિપ્પણીને લગતા માનહાનિ કેસમાં, નીચલી અદાલતમાં ચાલી રહેલી કાર્યવાહી પર સુપ્રીમ કોર્ટે હાલ પૂરતી રોક લગાવી દીધી છે.

સુપ્રીમ કોર્ટે 4 સપ્તાહમાં માંગ્યો જવાબ

આ મામલાની સુનાવણી જસ્ટિસ વિક્રમ નાથ અને જસ્ટિસ અપરેશ કુમાર સિંહની બેંચ સમક્ષ હાથ ધરવામાં આવી હતી. અદાલતે રાહુલ ગાંધીની અરજીને ધ્યાનમાં રાખીને નોટિસ જાહેર કરી છે અને સંબંધિત પક્ષો પાસેથી 4 સપ્તાહની અંદર જવાબ માંગ્યો છે. સુપ્રીમ કોર્ટના આ આદેશ બાદ, માનહાનિ કેસમાં નીચલી કોર્ટની કાર્યવાહી હાલ પૂરતી સ્થગિત રહેશે.

શું છે 2018 નો આ સમગ્ર મામલો?

રાહુલ ગાંધીએ આપી 'ટી પાર્ટી'

આ કાનૂની ગતિવિધિઓ વચ્ચે, દિલ્હીમાં રાજકીય હલચલ પણ તેજ છે. રાહુલ ગાંધીએ આજે પોતાના નિવાસસ્થાને 'ઇન્ડિયા' ગઠબંધનના સાંસદો અને સિવિલ સોસાયટીના સભ્યો માટે એક ટી પાર્ટીનું આયોજન કર્યું છે.

અગાઉ સોમવારે, રાહુલ ગાંધી અને ઇન્ડિયા ગઠબંધનના અન્ય નેતાઓ તથા કાર્યકરોએ સુપ્રીમ કોર્ટ સુધી માર્ચ કાઢી હતી. તેમનો પ્લાન સુપ્રીમ કોર્ટના ચીફ જસ્ટિસને આવેદનપત્ર આપવાનો હતો. જોકે, સીજેઆઈ સૂર્યકાંતે સવારે જ મીડિયાને સ્પષ્ટ કરી દીધું હતું કે તેઓ રાહુલ ગાંધીને મળી શકશે નહીં.

CEC જ્ઞાનેશ કુમારના રાજીનામાની માંગ

બીજી તરફ, વિપક્ષી નેતાઓએ મતદાર યાદીને લગતા એક મુદ્દે સુપ્રીમ કોર્ટમાં અરજી દાખલ કરી છે. કોંગ્રેસ અને અન્ય વિપક્ષી દળો છેલ્લા કેટલાક સમયથી મતદાર યાદીની ખાસ ચકાસણીના મુદ્દે સરકાર અને ચૂંટણી પંચ સામે વિરોધ નોંધાવી રહ્યા છે.

વિપક્ષનું સ્પષ્ટ કહેવું છે કે લોકશાહી વ્યવસ્થામાં મતદાર યાદીની શુદ્ધતા અને મતદાતાઓના અધિકારોનું રક્ષણ થવું અત્યંત જરૂરી છે. આ મુદ્દાઓને લઈને વિપક્ષ દ્વારા મુખ્ય ચૂંટણી કમિશનર જ્ઞાનેશ કુમારના રાજીનામાની માંગ પણ કરવામાં આવી રહી છે.

આ પણ વાંચો-GMC Election Results 2026: ગાંધીનગરમાં ફરી ખીલ્યું કમળ, 44 માંથી 30 બેઠકો પર ભાજપની જંગી લીડ