1 કિલોના 1,00,000! આ બટાટા સોના કરતાં પણ મોંઘા, જાણો ક્યાં મળે છે અને શું છે ખાસિયત

Most expensive potato in the world: આપણા ભારતમાં બટાટાને 'શાકભાજીનો રાજા' કહેવામાં આવે છે. આપણા રસોડામાં ભાગ્યે જ કોઈ દિવસ એવો હોય જ્યારે બટાટાનો ઉપયોગ ન થતો હોય. ભારતમાં બટાટા સામાન્ય રીતે 25થી 30 પ્રતિ કિલોના ભાવે સરળતાથી મળી જાય છે. પણ શું તમે ક્યારેય વિચાર્યું છે કે દુનિયામાં એવા પણ બટાટા છે જેની કિંમત લાખોમાં હોય છે?

જી હા, આજે અમે તમને દુનિયાના સૌથી મોંઘા બટાટા વિશે જણાવી રહ્યા છીએ, જેની કિંમત સાંભળીને તમે ચોંકી જશો.

ક્યાં મળે છે આ દુર્લભ બટાટા?

દુનિયાના સૌથી મોંઘા બટાટા ફ્રાન્સમાં મળે છે, જેનું નામ 'Le Bonnotte' (લા બોનોત) છે. આ બટાટાની કિંમત લગભગ 1,00,000 પ્રતિ કિલો સુધી પહોંચી જાય છે. આટલી ઊંચી કિંમત હોવા છતાં, લોકો તેને ખરીદવા માટે લાઈનો લગાવે છે.

આટલા મોંઘા કેમ છે આ બટાટા?

'Le Bonnotte' બટાટાની આટલી ઊંચી કિંમત પાછળ ઘણા કારણો છે:

1. મર્યાદિત ઉત્પાદન: આ બટાટાનું વાર્ષિક ઉત્પાદન આખી દુનિયામાં માત્ર 100 ટન જેટલું જ છે.

2. ખાસ મોસમ: તે ફક્ત મે અને જૂન મહિનામાં જ બજારમાં વેચાણ માટે ઉપલબ્ધ હોય છે.

3. હાથથી થતી ખેતી: તેની ખેતી સંપૂર્ણપણે પરંપરાગત પદ્ધતિથી કરવામાં આવે છે. જમીન તૈયાર કરવાથી લઈને બટાટા કાઢવા સુધીનું બધું જ કામ હાથ વડે થાય છે, જેમાં મશીનોનો ઉપયોગ બિલકુલ થતો નથી.

4. અનોખો સ્વાદ: સમુદ્ર કિનારાની રેતાળ જમીનમાં ઉગતા હોવાથી આ બટાટાનો સ્વાદ થોડો ખારો અને અલગ હોય છે, જે તેને અન્ય બટાટા કરતાં ખાસ બનાવે છે.

શું છે તેની અન્ય ખાસિયતો?

* આ બટાટા આકારમાં નાના અને તેની છાલ ખૂબ જ પાતળી હોય છે.

* તેનું નામ સ્થાનિક ખેડૂત બેનોઈટ બોનોટ (Benoît Bonotte) ના નામ પરથી આવ્યું છે, જેમણે સૌપ્રથમ તેની ખેતી શરૂ કરી હોવાનું માનવામાં આવે છે.

* લોકો તેને સામાન્ય રીતે માખણ અને મીઠું નાખીને બાફીને ખાવાનું પસંદ કરે છે.

એશિયાઈ દેશોની વાત કરીએ તો, દક્ષિણ કોરિયામાં બટાટા સૌથી મોંઘા છે, જ્યાં એક કિલો માટે લગભગ 380 ચૂકવવા પડે છે. તેની સરખામણીમાં, 'Le Bonnotte' બટાટા ખરેખર એક લક્ઝરી આઇટમ છે.

આ પણ વાંચો-બેંકિંગ સેક્ટરમાં ઉલટી ગંગા: લોકો પૈસા જમા કરાવવા કરતાં લોન વધુ લઈ રહ્યા છે, જાણો RBIના આંકડા શું કહે છે?