Asian Games 2026 : સોફ્ટ ટેનિસમાં જય મીણાએ બ્રોન્ઝ જીતીને નવો ઇતિહાસ રચ્યો, ભારત પાસે અત્યાર સુધી કુલ 10 મેડલ

Asian Games 2026 : એશિયન ગેમ્સ 2026માં ભારતીય ખેલાડીઓ પોતાનું શાનદાર પ્રદર્શન ચાલુ રાખી રહ્યા છે. રમતોત્સવના ચોથા દિવસે ભારતને શૂટિંગ અને સોફ્ટ ટેનિસ જેવી રમતોમાં મોટી સફળતા મળી છે. ખાસ કરીને સોફ્ટ ટેનિસમાં ભારતને એક એવી સિદ્ધિ મળી છે, જે એશિયન ગેમ્સના ઇતિહાસમાં અગાઉ ક્યારેય નહોતી મળી.

સોફ્ટ ટેનિસમાં જય મીણાની ઐતિહાસિક સિદ્ધિ

આજના દિવસની સૌથી મોટી અને ખાસ ખબર સોફ્ટ ટેનિસની રમતમાંથી આવી છે. ભારતના સ્ટાર ખેલાડી જય મીણાએ આ રમતમાં બ્રોન્ઝ મેડલ જીતીને નવો ઇતિહાસ રચી દીધો છે અને દેશનું ગૌરવ વધાર્યું છે. સેમિફાઇનલ મેચમાં જય મીણાનો સામનો જાપાનના મજબૂત ખેલાડી તુકોયા કુરુસાકા સામે થયો હતો. જોકે, આ આકરી મેચમાં જય મીણાનો 2-4 થી પરાજય થયો હતો, પરંતુ સેમિફાઇનલ સુધી પહોંચીને તેમણે દેશ માટે બ્રોન્ઝ મેડલ પાક્કો કરી લીધો. નોંધનીય છે કે, એશિયન ગેમ્સના ઇતિહાસમાં સોફ્ટ ટેનિસની રમતમાં ભારતનો આ સર્વપ્રથમ મેડલ છે.

ભારતના અત્યાર સુધીના 10 મેડલ વિજેતાઓની સંપૂર્ણ યાદી

ગોલ્ડ મેડલ (1)

ભારતીય મહિલા ક્રિકેટ ટીમ

સિલ્વર મેડલ (4)

ઇલાવેનિલ વલારિવન, સોનમ મસ્કર અને વિદર્શા વિનોદ - મહિલા 10 મીટર એર રાઇફલ ટીમ ઇવેન્ટ (શૂટિંગ)

ઇલાવેનિલ વલારિવન - મહિલા 10 મીટર એર રાઇફલ (શૂટિંગ)

રુદ્રાંશ પાટીલ, હિમાંશુ ઢિલ્લોન અને પાર્થ રાકેશ માને - મેન્સ 10 મીટર એર રાઇફલ ટીમ ઇવેન્ટ (શૂટિંગ)

હિમાંશુ ઢિલ્લોન - મેન્સ 10 મીટર એર રાઇફલ (શૂટિંગ)

બ્રોન્ઝ મેડલ (5)

જય મીણા - સોફ્ટ ટેનિસ

સુચિકા તરિયાલ - મહિલા ટ્રેડિશનલ 60 કિગ્રા (MMA)

રુદ્રાંશ પાટીલ - મેન્સ 10 મીટર એર રાઇફલ (શૂટિંગ)

રાયઝા ઢિલ્લોન, માહેશ્વરી ચૌહાણ અને પરિનાઝ ધાલીવાલ - સ્કીટ મહિલા ટીમ ઇવેન્ટ (શૂટિંગ)

અનંતજીત સિંહ નારુકા, મૈરાજ અહમદ ખાન અને ભાવતેજ સિંહ ગિલ - સ્કીટ પુરુષ ટીમ ઇવેન્ટ (શૂટિંગ)

આ પણ વાંચો-ટીમ ઈન્ડિયાએ રચ્યો નવો ઈતિહાસ: T20 ઈન્ટરનેશનલ ક્રિકેટમાં 200 મેચ જીતનારી દુનિયાની પહેલી ટીમ બની