ટીમ ઈન્ડિયાએ રચ્યો નવો ઈતિહાસ: T20 ઈન્ટરનેશનલ ક્રિકેટમાં 200 મેચ જીતનારી દુનિયાની પહેલી ટીમ બની

ભારતીય ક્રિકેટ ટીમે T20 ઈન્ટરનેશનલ ક્રિકેટમાં એક એવો મોટો રેકોર્ડ પોતાના નામે કર્યો છે, જે દુનિયાની અન્ય કોઈ ટીમ હજુ સુધી કરી શકી નથી. 22 સપ્ટેમ્બરના રોજ રમાયેલી એક અત્યંત રોમાંચક મેચમાં જાપાનને હરાવીને ભારતે T20 ક્રિકેટમાં પોતાની 200મી જીત નોંધાવી છે.

આ શાનદાર જીત સાથે જ ભારત T20 ઈન્ટરનેશનલ ક્રિકેટમાં પૂરી 200 મેચ જીતનારી દુનિયાની પહેલી ટીમ બની ગઈ છે, જેમાં સુપર ઓવરની જીતનો પણ સમાવેશ થાય છે. સૌથી મોટી વાત એ છે કે ભારતે આ ઐતિહાસિક મુકામ માત્ર 291 મેચ રમીને જ હાંસલ કરી લીધો છે.

જાપાન સામે શ્વાસ અધ્ધર કરી દે તેવી જીત

T20 ઈન્ટરનેશનલ ક્રિકેટમાં ભારત માટે આ 200મી જીત બિલકુલ સરળ ન હતી. ખરાબ હવામાન અને વરસાદના કારણે આ મેચ માત્ર 5-5 ઓવરની જ રમાડવામાં આવી હતી.પ્રથમ બેટિંગ કરતા ભારતીય ટીમે 5 ઓવરમાં 32 રન બનાવ્યા હતા.

2006થી શરૂ થઈ હતી જીતની શાનદાર સફર

ભારતે પોતાની T20 ક્રિકેટની સફરની શરૂઆત વર્ષ 2006માં સાઉથ આફ્રિકા સામે રમીને કરી હતી. ચાલો જોઈએ ભારતની જીતની આ ઐતિહાસિક સફરના મુખ્ય પડાવો:

પહેલી જીત: વર્ષ 2006 માં સાઉથ આફ્રિકા સામે.

50મી જીત: વર્ષ 2017 માં શ્રીલંકાને હરાવીને.

100મી જીત: વર્ષ 2022 માં વેસ્ટ ઈન્ડિઝને મ્હાત આપીને.

150મી જીત: વર્ષ 2024 માં ઓસ્ટ્રેલિયા સામે શાનદાર પ્રદર્શન કરીને.

200મી જીત: હવે જાપાન સામે માત્ર 2 રનથી રોમાંચક જીત મેળવીને.

સૌથી વધુ T20 જીતવામાં પાકિસ્તાન બીજા નંબર પર

જો T20 ઈન્ટરનેશનલ ક્રિકેટમાં સૌથી વધુ મેચ જીતવાની વાત કરીએ, તો ભારત પછી પાકિસ્તાનની ટીમ બીજા સ્થાન પર છે. જોકે, બંનેના આંકડામાં મોટો તફાવત છે.

ભારત: 291 મેચ રમીને 200 જીત મેળવી.

પાકિસ્તાન: 299 મેચ રમીને 174 મેચોમાં જીત મેળવી.

ન્યૂઝીલેન્ડ: આ લિસ્ટમાં 137 જીત સાથે ત્રીજા નંબર પર છે.

સાઉથ આફ્રિકા: 131 જીત સાથે ચોથા ક્રમે.

ઈંગ્લેન્ડ: 130 મેચ જીતીને પાંચમા સ્થાને છે.

આ પણ વાંચો-મજૂરના દીકરાની કમાલ, ભારતીય સેના માટે બનાવશે અત્યાધુનિક ડ્રોન, સંરક્ષણ મંત્રાલયે મંજૂર કર્યા 3.50 કરોડ રૂપિયા