Brain Chip Technology: Neuralinkની ‘સુપરપાવર' ધરાવતો વિશ્વનો પહેલો વ્યક્તિ આવ્યો સામે, ટચ કર્યા વિના ચલાવ્યું લેપટોપ, જુઓ વીડિયો

Elon Musk Neuralink: એલોન મસ્કની કંપની ન્યુરાલિંકે ખૂબ જ મોટું કામ કરીને બતાવ્યું છે. તાજેતરમાં ન્યુરાલિંકે એક વ્યક્તિના મગજમાં સફળતાપૂર્વક એક ચિપ ફીટ કરી હતી અને હવે તે વ્યક્તિનો વીડિયો સામે આવ્યો છે. ન્યુરાલિંકે X પર આ વિડિયો પોસ્ટ કર્યો અને પછી એલોન મસ્કે તે વીડિયો શેર કર્યો. આ વીડિયો વાયરલ થયો છે અને થોડા કલાકોમાં જ તેને લાખો લોકોએ જોયો હતો.

વાસ્તવમાં, જો આપણે વિડિયો વિશે વાત કરીએ, તો તેમાં એક 29 વર્ષીય વ્યક્તિ નોલેન્ડ અર્બોગ દેખાય છે, જે ઓપરેશન પછી એકદમ સ્વસ્થ દેખાય છે. આ વ્યક્તિ ન્યુરાલિંકના એન્જિનિયર સાથે જોવા મળ્યો હતો. જેના મગજમાં ચિપ લગાવવામાં આવી છે તે વ્યક્તિ ક્વાડ્રિપ્લેજિક નામની બીમારીથી પીડિત છે અને તેના કારણે તેનું ગરદન નીચેનું શરીર લકવાગ્રસ્ત થઈ ગયું છે. આવી સ્થિતિમાં આ વ્યક્તિ વ્હીલચેર પર જ રહે છે.

વીડિયોમાં બતાવવામાં આવ્યું છે કે કેવી રીતે આ વ્યક્તિ કોમ્પ્યુટર પર ચેસ રમે છે અને જરૂર પડે ત્યારે ગીત પણ વગાડે છે અને પોઝ પણ આપે છે. આ બધું કામ તે મનમાં વિચારીને જ કરી રહ્યો છે અને તેને કશું સ્પર્શ્યું નથી. આ વીડિયોને ઈન્ટરનેટ પર ઘણો પસંદ કરવામાં આવી રહ્યો છે.

ન્યુરાલિંકે વીડિયો શેર કર્યો

https://t.co/OMIeGGjYtG

— Neuralink (@neuralink) March 20, 2024

Neuralinkએ આ વિડિયો તેના X પ્લેટફોર્મ પર શેર કર્યો છે, જેને થોડા કલાકોમાં 41 મિલિયન વ્યૂઝ મળ્યા છે. X પ્લેટફોર્મ પર ઘણા યુઝર્સ આ ટેક્નોલોજીના વખાણ કરતા જોવા મળ્યા છે. એક યુઝરે લખ્યું કે આ ખરેખર અદ્ભુત છે. તેનો ફાયદો ઘણા ક્ષેત્રોમાં પણ કરી શકાય છે. આ વિકલાંગ લોકો માટે ખૂબ જ ઉપયોગી સાબિત થશે.

આ પણ વાંચો - Lok Sabha Election: લોકસભા ચૂંટણીમાં 1.20 લાખ કરોડનો અંદાજિત ખર્ચ... પાર્ટીઓ આ 3 વસ્તુઓ પર પાણીની જેમ ખર્ચે છે રૂપિયા