Chess World Cup 2023 Prize Money: હાર છતાં પ્રજ્ઞાનંદ પર થયો પૈસાનો વરસાદ, જાણો રનર અપ તરીકે કેટલા પૈસા મળ્યા

Chess World Cup 2023 Prize Money, R Praggnanandha: ચેસ વર્લ્ડ કપ 2023માં, ભારતના 18 વર્ષીય ગ્રાન્ડમાસ્ટર આર પ્રજ્ઞાનંદ ફાઇનલમાં નોર્વેના મેગ્નસ કાર્લસન સામે હારી ગયા હોવા છતાં રનર અપ તરીકે મોટી રકમ જીતવામાં સફળ રહ્યા હતા. આર પ્રજ્ઞાનંદ FIDE વર્લ્ડ કપની ફાઇનલ મેચ રમનાર બીજા ભારતીય ખેલાડી છે. નંબર-1 ચેસ ખેલાડી મેગ્નસ કાર્લસન સાથે પ્રારંભિક 2 મેચ ડ્રોમાં સમાપ્ત થયા બાદ ટાઈબ્રેકર દ્વારા પરિણામ ડ્રો કરવામાં આવ્યું હતું, જેમાં પ્રજ્ઞાનંદને બંનેમાં હારનો સામનો કરવો પડ્યો હતો.

ફાઈનલ મેચમાં હાર બાદ આર. પ્રજ્ઞાનંદને રનર અપ તરીકે 80 હજાર યુએસ ડોલર મળ્યા, જે ભારતીય રૂપિયાના હિસાબે 66 લાખ રૂપિયા છે. બીજી તરફ ફાઈનલ જીતનાર મેગ્નસ કાર્લસનને 110 હજાર યુએસ ડોલરની રકમ આપવામાં આવી છે જે ભારતીય રૂપિયાના હિસાબે લગભગ 91 લાખ રૂપિયા છે.

International Chess Federation (FIDE) tweets, "Praggnanandhaa is the runner-up of the 2023 FIDE World Cup! Congratulations to the 18-year-old Indian prodigy on an impressive tournament! On his way to the final, Praggnanandhaa beat, among others, world #2 Hikaru Nakamura and #3… pic.twitter.com/g9Ky5VUdA4

— ANI (@ANI) August 24, 2023

ફાઈનલ મેચ ત્રણ દિવસ સુધી ચાલી હતી

ચેસ વર્લ્ડ કપની ફાઈનલ મેચનું આયોજન 3 દિવસ માટે કરવામાં આવ્યું હતું. 22 ઓગસ્ટના રોજ પ્રથમ દિવસે રમાયેલી મેચ 70થી વધુ ચાલ બાદ ડ્રોમાં સમાપ્ત થઈ હતી અને ત્યારબાદ 23 ઓગસ્ટે જ્યારે બીજી મેચ 30 ચાલ બાદ ડ્રોમાં સમાપ્ત થઈ હતી, ત્યારે પરિણામ મેળવવા માટે ફરીથી ટાઈબ્રેકરમાં હરીફાઈ કરવામાં આવી હતી. જ્યાં મેગ્નસ કાર્લસને 25-25 મિનિટના બે રાઉન્ડમાં ટાઈટલ જીત્યું હતું.

આ પણ વાંચો - Himachal Rains: મંડીમાં ફસાયેલા 51 લોકોને બચાવાયા, IMDએ હિમાચલમાં ભારે વરસાદને લઈને એલર્ટ જાહેર કર્યું