UGC-NET પરીક્ષા રદ્દ કરવાનો નિર્ણય, CBI 18 જૂને લેવાયેલી પરીક્ષા સંબંધિત ગેરરીતિઓની કરશે તપાસ

UGC-NET Exam: નેશનલ ટેસ્ટિંગ એજન્સી (NTA) એ 18 જૂનના રોજ UGC-NET જૂન 2024ની પરીક્ષા યોજી હતી. આ પરીક્ષા દેશના અલગ-અલગ શહેરોમાં બે શિફ્ટમાં લેવામાં આવી હતી. હવે આ પરીક્ષા રદ કરવાનો નિર્ણય લેવામાં આવ્યો છે. યુનિવર્સિટી ગ્રાન્ટ્સ કમિશન (UGC) ને 19 જૂન 2024 ના રોજ ભારતીય સાયબર ક્રાઈમ કોઓર્ડિનેશન સેન્ટર (I4C) ના નેશનલ સાયબર ક્રાઈમ થ્રેટ એનાલિટિક્સ યુનિટ પાસેથી કેટલીક માહિતી મળી હતી. આ માહિતી દ્વારા પ્રથમ દૃષ્ટિએ એવું જણાતું હતું કે આ પરીક્ષામાં કેટલીક ગેરરીતિઓ થવાની શક્યતા છે.

પારદર્શિતા સુનિશ્ચિત કરવા અને પરીક્ષાની માન્યતા જાળવવા માટે, ભારત સરકારના શિક્ષણ મંત્રાલયે યુજીસી-નેટ જૂન 2024ની પરીક્ષા રદ કરવાનો નિર્ણય લીધો છે. તેના બદલે, નવી પરીક્ષા લેવામાં આવશે અને આ સંબંધમાં માહિતી અલગથી શેર કરવામાં આવશે. તેમજ આ કેસની તપાસ સીબીઆઈને સોંપવામાં આવી રહી છે.

NEET(UG) 2024 પરીક્ષા

NEET(UG) પરીક્ષા 2024 ના કિસ્સામાં ગ્રેસ માર્કસનો મુદ્દો પહેલેથી જ ઉકેલાઈ ગયો છે. પટનામાં આયોજિત પરીક્ષામાં કેટલીક ગેરરીતિઓની ફરિયાદને ધ્યાનમાં રાખીને બિહાર પોલીસની આર્થિક અપરાધ શાખા પાસેથી સંપૂર્ણ રિપોર્ટ માંગવામાં આવ્યો છે.

આ પણ વાંચો - What is Tax Free Bonds: ટેક્સ ફ્રી બોન્ડમાં FD જેવા ફાયદા, વ્યાજની આવક પર નહીં લાગે કોઈ ટેક્સ, આપના રૂપિયા રહેશે સુરક્ષિત