Grok AIનો શરૂ થયો દુરુપયોગ, મસ્કનું AI ટૂલ ઘેરાયું વિવાદોમાં, મામલાની તપાસ શરૂ

અમેરિકન અબજોપતિ અને સોશિયલ મીડિયા પ્લેટફોર્મ X ના માલિક, એલોન મસ્કનું AI ટૂલ Grok આ દિવસોમાં ટ્રેન્ડમાં છે. Grok અન્ય ચેટબોટ AI ટૂલ્સથી તદ્દન અલગ છે અને તેથી જ તે હેડલાઇન્સમાં છે. ચેટજીપીટી અથવા ગુગલ જેમિની જેવા અન્ય AI ટૂલ્સની તુલનામાં, તે યુઝર્સને વધુ નિર્ભય રીતે પ્રશ્નોના જવાબ આપી રહ્યું છે. જો કે હવે Grok AI હવે પ્રશ્નોના જવાબ આપવાની તેની પદ્ધતિઓને લઈને વિવાદમાં ફસાયું છે.

Grok અન્ય ચેટબોટ્સથી તદ્દન અલગ છે. તે યુઝર જે ભાષામાં વાત કરે છે તેની નકલ કરે છે. ઘણા યુઝર્સએ ફરિયાદ કરી છે કે Grok સંપૂર્ણપણે કંટ્રોલ બહાર થઈ ગયું છે અને હવે તેણે અપશબ્દોનો આશરો લીધો છે. આ AI ટૂલ હવે માણસોની જેમ અપશબ્દોનો ઉપયોગ કરીને પ્રશ્નોના જવાબ આપી રહ્યું છે.

MeitY કરી રહ્યું છે વાતચીત

હવે સરકાર Grok દ્વારા હિન્દુ અપશબ્દોના ઉપયોગ પર પણ કડક વલણ અપનાવી રહી છે. માહિતી અને ટેકનોલોજી મંત્રાલય AI ચેટબોટ Grok સાથે જોડાયેલી તાજેતરની ઘટના અંગે સોશિયલ મીડિયા પ્લેટફોર્મ X સાથે વાતચીત કરી રહ્યું છે. મંત્રાલય AI ટૂલ દ્વારા આવી ભાષાનો ઉપયોગ કરવા પાછળના સંજોગો અને કારણોની તપાસ કરવાની યોજના ધરાવે છે.

સરકારી સૂત્રો પાસેથી મળેલી માહિતી અનુસાર, હાલમાં ઇલેક્ટ્રોનિક્સ અને માહિતી ટેકનોલોજી મંત્રાલય (MeitY) એ Grok અથવા X ને કોઈ નોટિસ જારી કરી નથી. MeitY હાલમાં આ બાબતની તપાસ માટે બંને પક્ષો સાથે ચર્ચા કરી રહ્યું છે. Grok દ્વારા ભારતીય કાયદાઓનું કોઈ ઉલ્લંઘન થયું છે કે કેમ તે જાણવા માટે MeitYના અધિકારીઓ X ના પ્રતિનિધિઓ સાથે વાતચીત કરી રહ્યા છે.

ભાષા શૈલીઓની નકલ કરતું Grok

એલોન મસ્કનું Grok AI એક પોપ્યુલર ચેટબોટ બની ગયું છે. તે યુઝર્સના તે પ્રશ્નોના નિર્ભયતાથી જવાબ પણ આપે છે જેનો જવાબ અન્ય ચેટબોટ્સ આપવાનું ટાળે છે. ઘણી વખત તે સામાન્ય યુઝર્સની ભાષા શૈલીની નકલ પણ કરે છે અને જે સ્વરમાં પ્રશ્ન પૂછવામાં આવે છે તે જ સ્વરમાં જવાબ આપવાનું શરૂ કરે છે. મસ્કનું આ ચેટબોટ વિવાદાસ્પદ મુદ્દાઓ પર પણ યુઝર્સને ઝડપી જવાબો આપે છે.