અમેરિકા-ઈરાન વચ્ચે મહાયુદ્ધ વિરામની આશા, ઈસ્લામાબાદમાં યોજાશે હાઈ-પ્રોફાઈલ બેઠક, શું શાંતિ સ્થપાશે?

અમેરિકા અને ઈરાન વચ્ચેના તણાવપૂર્ણ સંબંધોમાં એક મોટી કૂટનીતિક સફળતા મળી હોય તેવું દેખાઈ રહ્યું છે. ઘણા લાંબા સમયથી ચાલી રહેલા સંઘર્ષને વિરામ આપવા માટે હવે બંને દેશો ટેબલ પર ચર્ચા કરવા તૈયાર થયા છે. Axios ના રિપોર્ટ મુજબ, ઈરાનના સર્વોચ્ચ નેતા મૌજતબા ખામેનેઈએ આગામી બુધવાર, 22 એપ્રિલના રોજ પાકિસ્તાનના ઈસ્લામાબાદમાં યોજાનારી હાઈ-સ્ટેક શાંતિ વાર્તા માટે પોતાની ટીમને મંજૂરી આપી દીધી છે.

અમેરિકા મોકલશે પાવરફુલ ટીમ

આ શાંતિ વાર્તા કેટલી મહત્વની છે તેનો અંદાજ એ વાત પરથી લગાવી શકાય છે કે અમેરિકા તરફથી તેનું નેતૃત્વ ઉપરાષ્ટ્રપતિ જેડી વેન્સ પોતે કરવાના છે. તેઓ મંગળવારે સવારે ઈસ્લામાબાદ જવા રવાના થશે. તેમની સાથે સ્પેશિયલ એડવાઈઝર જારેડ કુશનર અને સ્ટીવ વિટકોફ જેવા અનુભવી અધિકારીઓ પણ હાજર રહેશે. ટ્રમ્પ પ્રશાસન આ વખતે આ વિવાદનો કાયમી ઉકેલ લાવવા માટે મક્કમ હોય તેવું જણાય છે.

ઈરાનનું 'ગ્રીન સિગ્નલ' અને પડકારો

શું છે 'ઈસ્લામાબાદ ટોક 2.0' નો એજન્ડા?

આ બેઠકનો મુખ્ય ઉદ્દેશ્ય હાલમાં ચાલી રહેલા યુદ્ધને અટકાવવાનો છે. હાલમાં જે સીઝફાયર એટલે કે યુદ્ધવિરામ ચાલી રહ્યો છે તેની સમય મર્યાદા પૂરી થવા જઈ રહી છે. રાષ્ટ્રપતિ ટ્રમ્પે સંકેત આપ્યા છે કે જો વાતચીતમાં કોઈ નક્કર પ્રગતિ જણાશે, તો તેઓ સમય મર્યાદામાં થોડી છૂટછાટ આપી શકે છે. જોકે, તેમણે સોશિયલ મીડિયા પર સ્પષ્ટ કરી દીધું છે કે તેઓ કોઈ પણ પ્રકારના દબાણમાં આવીને સમજૂતી નહીં કરે.

વિશ્વાસનો અભાવ હજુ પણ મોટો પ્રશ્ન

નિષ્ણાતોના મતે, આટલા ઓછા સમયમાં કાયમી શાંતિ સ્થાપવી એ લોઢાના ચણા ચાવવા જેવું છે. બંને દેશો વચ્ચે વર્ષોથી ચાલી આવતી અવિશ્વાસની ખાઈ હજુ પણ ઊંડી છે. બંને પક્ષો એકબીજા પર સીઝફાયરના ઉલ્લંઘનના આરોપો લગાવતા રહ્યા છે. બુધવારે યોજાનારી આ મુલાકાત માત્ર એક બેઠક નથી, પરંતુ તે નક્કી કરશે કે આવનારા સમયમાં મિડલ ઈસ્ટમાં શાંતિ સ્થપાશે કે પછી યુદ્ધ વધુ ભયાનક સ્વરૂપ ધારણ કરશે.

આ પણ વાંચો-Market trend : બજારમાં ઉતાર-ચઢાવ વચ્ચે આ 2 શેર્સ કરાવી શકે છે મોટી કમાણી, નિષ્ણાતોએ આપી સલાહ