PM Modi in Indonesia : વડાપ્રધાન નરેન્દ્ર મોદીને આંતરરાષ્ટ્રીય સ્તરે વધુ એક મોટી સિદ્ધિ મળી છે. ઇન્ડોનેશિયાએ પીએમ મોદીને પોતાના દેશના સૌથી મોટા અને સર્વોચ્ચ સન્માનથી નવાજ્યા છે. ઇન્ડોનેશિયાના રાષ્ટ્રપતિ પ્રબોવો સુબિયાંતોએ જાતે જાહેરાત કરી છે કે PM મોદીને 'Bintang Adipurna of the Republic of Indonesia' થી સન્માનિત કરવામાં આવ્યા છે.
ઇન્ડોનેશિયાએ PM મોદીને આપ્યું પોતાનું સર્વોચ્ચ સન્માન 'Bintang Adipurna', જાણો બંને દેશો વચ્ચે શું થઈ સમજૂતી
ઇન્ડોનેશિયાના રાષ્ટ્રપતિ પ્રબોવો સુબિયાંતોએ PM નરેન્દ્ર મોદીને દેશના સર્વોચ્ચ સન્માન 'Bintang Adipurna' થી નવાજ્યા છે. વાંચો ભારત-ઇન્ડોનેશિયા વચ્ચે થયેલા મહત્વના કરારો અને લેટેસ્ટ સમાચાર ગુજરાતીમાં.
અપડેટેડ 12:03:20 PM Jul 07, 2026 પર
આ સન્માનને દેશવાસીઓને સમર્પિત કરતા વડાપ્રધાને ઉમેર્યું કે, "આજે મને જે પ્રેમ અને આદર સાથે ઇન્ડોનેશિયાનું સર્વોચ્ચ સન્માન આપવામાં આવ્યું છે, તે માત્ર મારું નથી પરંતુ કરોડો ભારતવાસીઓનું છે.
સન્માન સ્વીકારતા PM મોદીએ શું કહ્યું?
જકાર્તામાં આ ભવ્ય સન્માન સ્વીકાર્યા બાદ પીએમ મોદીએ રાષ્ટ્રપતિ પ્રબોવોનો હૃદયપૂર્વક આભાર માન્યો હતો. તેમણે કહ્યું, "આટલા શાનદાર અને ગરમજોશીભર્યા સ્વાગત માટે હું મારા મિત્ર રાષ્ટ્રપતિ પ્રબોવોનો આભારી છું. ગયા વર્ષે ભારતના ગણતંત્ર દિવસના મુખ્ય અતિથિ તરીકે તેમનું સ્વાગત કરવાની અમને શાનદાર તક મળી હતી. આજે તેમના આત્મીય આમંત્રણ પર ઇન્ડોનેશિયા આવીને મને ખૂબ જ આનંદ થઈ રહ્યો છે."
આ સન્માનને દેશવાસીઓને સમર્પિત કરતા વડાપ્રધાને ઉમેર્યું કે, "આજે મને જે પ્રેમ અને આદર સાથે ઇન્ડોનેશિયાનું સર્વોચ્ચ સન્માન આપવામાં આવ્યું છે, તે માત્ર મારું નથી પરંતુ કરોડો ભારતવાસીઓનું છે. આ ભારત અને ઇન્ડોનેશિયાના લોકોની ભાવનાઓ અને બંને દેશોના ઐતિહાસિક સંબંધોનું પ્રતીક છે."
ભારત અને ઇન્ડોનેશિયાના સંબંધોમાં 'સુવર્ણ અધ્યાય' ની શરૂઆત
પીએમ મોદીએ પોતાના સંબોધનમાં જણાવ્યું કે બંને દેશોની આ મજબૂત ભાગીદારી 21મી સદીની દુનિયા અને સમગ્ર માનવતા પર સકારાત્મક અસર પાડશે. બંને દેશો વચ્ચે રક્ષા અને સુરક્ષાને લઈને વિશ્વાસ વધ્યો છે. આ પ્રવાસ દરમિયાન નીચે મુજબની મહત્વની સમજૂતીઓ થઈ છે:
સંરક્ષણ અને દરિયાઈ સુરક્ષા
બંને દેશોએ સંરક્ષણ આદાનપ્રદાન અને આપત્તિ વ્યવસ્થાપન વધારવા પર સંમતિ દર્શાવી છે. હવે ભારત અને ઇન્ડોનેશિયાના કોસ્ટ ગાર્ડ્સ હિંદ મહાસાગરમાં દરિયાઈ સુરક્ષા માટે ખભેખભો મિલાવીને કામ કરશે.
આર્થિક વિકાસ
બે દરિયાઈ પડોશી દેશો તરીકે બંનેએ બ્લુ ઇકોનોમી, બંદરનો વિકાસ અને દરિયાઈ વેપારમાં પરસ્પર સહયોગ વધારવાનો મોટો નિર્ણય લીધો છે.
ગરીબી નાબૂદી અને આરોગ્ય ક્ષેત્રે મોટો કરાર
ભારત અને ઇન્ડોનેશિયા બંને દેશોની મુખ્ય પ્રાથમિકતા ગરીબી દૂર કરવાની અને કલ્યાણકારી યોજનાઓનો લાભ છેવાડાના નાગરિકો સુધી પહોંચાડવાની છે.ભારતે પોતાની સફળ 'મિડ-ડે મીલ' યોજના અને જાહેર વિતરણ પ્રણાલીના સોલ્યુશન્સ ઇન્ડોનેશિયા સાથે શેર કર્યા છે, જેને હવે નવા સ્તર પર લઈ જવામાં આવશે.
આરોગ્ય ક્ષેત્રે થયેલા એક ખાસ કરાર મુજબ, હવે ઇન્ડોનેશિયાના નાગરિકોને ભારતની ઉચ્ચ ગુણવત્તાવાળી અને સસ્તી દવાઓ ખૂબ જ સરળતાથી ઉપલબ્ધ થશે. આ સાથે જ ભારત ઇન્ડોનેશિયાના ડૉક્ટરો અને હેલ્થ વર્કર્સની ટ્રેનિંગ અને ક્ષમતા વધારવામાં પણ પોતાનું યોગદાન આપશે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
