ટ્રક ડ્રાઈવરોની હડતાળથી વધશે મોંઘવારી, 3 દિવસમાં 450 કરોડનું થઈ શકે છે નુકસાન

ડ્રાઇવરો માટેના નવા નિયમોથી દેશભરના ટ્રક ડ્રાઈવર્સે ટ્રાફિક જામ કર્યું છે. નવા નિયમ અનુસાર જો કોઈ વાહનથી ટક્કર લાગે છે અને સ્થળ પરથી ભાગી જાય છે તો તેને 10 વર્ષ સુધીની જેલની સજા થશે. સાથે ભારી ભરકમ દંડ પણ ભરવો પડશે. આ નિયમ સામે ટ્રક ડ્રાઈવર્સે ત્રણ દિવસની હડતાળની જાહેરાત કરી છે.

ટ્રક ડ્રાઇવર્સની હડતાળના કારણે મોંઘવારી વધવાનો જોખિમ વધી ગયો છે. એકલા મુંબઈમાં જ દરરોજ 1.20 લાખ ટ્રક અને કન્ટેનર એમએમઆર પ્રદેશમાં આવે છે. આ હડતાળની અસર મહારાષ્ટ્ર સિવાય, મધ્ય પ્રદેશ, ગુજરાત, હિમાચલ, ઉત્તર પ્રદેશથી લઈને બિહાર સહિત દેશના ઘણા ભાગોમાં જોવા મળી રહી છે.

ટ્રાન્સપોર્ટ બૉડીના જણાવ્યા અનુસાર એક દિવસની હડતાળથી 120 થી 150 કરોડ રૂપિયાના કારોબાર પર અસર થાય છે. આવી સ્થિતિમાં 3 દિવસની હડતાળને કારણે 450 કરોડ રૂપિયાનું નુકસાન થવાની સંભાવના છે. આ હડતાળને કારણે દેશભરમાં મોંઘવારી વધવાનું જોખમ વધી ગયું છે. જ્યારે, લોકો પેટ્રોલ અને ડીઝલની પણ ચિંતા કરવા લાગ્યા છે. ખરેખર, ટ્રાંસપોર્ટમાં ટ્રક એક એવું માધ્યમ છે જેના દ્વારા ફળો અને શાકભાજીથી લઈને જરૂરતના તમામ સામાન એક રાજ્યથી બીજી રાજ્યમાં લઈ જવામાં આવે છે. હવે ડ્રાઇવરોની હડતાળને કારણે દેશભરમાં ટ્રાફિક જામની સ્થિતિ આવી ગઈ છે.

વધી શકે છે મોંઘવારી

પેટ્રોલ પંપ એસોસિએશનના જણાવ્યા અનુસાર 3-4 દિવસની હડતાળની અસર સમગ્ર દેશમાં જોવા મળી શકે છે. જો કે, ટુ-વ્હીલર વાહન માલિકો 3-4 દિવસ માટે પેટ્રોલનો સ્ટૉક કરી શકે છે. પરંતુ સમસ્યા મોટા વાહનો અને ફોર વ્હીલરની છે. કારણ કે જો હડતાલ વધુ લાંબી ચાલશે તો અમારો સ્ટૉક સમાપ્ત થઈ જશે. જ્યારે પંપ પર પેટ્રોલ અને ડીઝલ ઉપલબ્ધ નથી, ત્યારે તેની અસર દરેક જગ્યાએ જોવા મળશે. જ્યારે ટ્રક ડ્રાઉવર્સની હડતાળના કારણે ફળો અને શાકભાજી સહિત તમામ ખાવા-પીવાની વસ્તુના સપ્લાઈ બંધ થવાનો જોખિમ વધી જશે. તેના કારણે મોંઘવારીનું જોખમ વધશે.

શું છે ડ્રાઇવરોની સમસ્યા

હિટ એન્ડ રન કેસમાં નવા કાયદા હેઠળ, જો કોઈ વ્યક્તિ કોઈની કાર સાથે અથડાય અને કારનો માલિક સ્થળ પરથી ભાગી જાય છે. તો તેને ભારી દંડની સાથે સજાનું પ્રાવધાન રાખવામાં આવ્યે છે. જ્યારે જો વાહન સાથે અથડાતા વ્યક્તિ અકસ્માતે વાહનની સામે આવે છે અથવા ખોટી રીતે રસ્તો ક્રૉસ કરે છે, તો આવી સ્થિતિમાં ડ્રાઈવરને રાહત મળશે. જો કે આવા કેસમાં પણ 5 વર્ષની જેલની જોગવાઈ કરવામાં આવી છે. ડ્રાઈવરોની સમસ્યા આ પ્રાવધાનને લઈને છે. તેમનું કહેવું છે કે નવા કાયદા પ્રમાણે અમારે દોષ ન હોય તો પણ અમારે 5 વર્ષની સજા ભોગવવી પડશે.