Iran vs USA: અમેરિકાના 'એક્શન' પ્લાનથી ઈરાનમાં ફફડાટ, ખામેનેઈ રાતોરાત બંકરમાં શિફ્ટ, ટ્રમ્પ-નેતન્યાહુની ખુલ્લી ધમકી!

Iran vs USA: પશ્ચિમ એશિયામાં ફરી એકવાર યુદ્ધ જેવો માહોલ સર્જાયો છે. દુનિયાભરની નજર અત્યારે અમેરિકા અને ઈરાન વચ્ચે વધી રહેલી તંગદિલી પર મંડાયેલી છે. અમેરિકાના રાષ્ટ્રપ્રમુખ ડોનાલ્ડ ટ્રમ્પ અને ઈઝરાયેલના વડાપ્રધાન બેન્જામિન નેતન્યાહુએ આપેલા આકરા નિવેદનો બાદ ઈરાનમાં ગભરાટનો માહોલ છે. આ ધમકીઓને ગંભીરતાથી લઈને ઈરાનના સુપ્રીમ લીડર અયાતુલ્લા અલી ખામેનેઈ તેહરાન નજીક આવેલા એક અત્યંત સુરક્ષિત બંકરમાં શિફ્ટ થઈ ગયા હોવાના અહેવાલ છે. છેલ્લા 7 મહિનામાં આવું બીજીવાર બન્યું છે કે જ્યારે તેમને બંકરનો સહારો લેવો પડ્યો હોય.

ટ્રમ્પ અને નેતન્યાહુની ચેતવણીથી ખળભળાટ

તાજેતરમાં જ અમેરિકાના રાષ્ટ્રપ્રમુખ ડોનાલ્ડ ટ્રમ્પે ઈરાનમાં સીધો સત્તાપલટો કરવાની ચીમકી ઉચ્ચારી હતી. મીડિયા રિપોર્ટ્સનું માનીએ તો, ટ્રમ્પે ત્યાં સુધી કહી દીધું છે કે ખામેનેઈની હાલત પણ કાસિમ સુલેમાની અથવા બગદાદી જેવી કરવામાં આવશે. બીજી તરફ, ઈઝરાયેલના વડાપ્રધાન નેતન્યાહુએ પણ ચેતવણી આપી છે કે ઈરાન પર એવો જોરદાર હુમલો થશે જેવો દુનિયાએ પહેલા ક્યારેય જોયો નહીં હોય. ઈરાન સરકારને પૂરેપૂરો ડર છે કે અમેરિકન ગુપ્તચર એજન્સી અને ઈઝરાયેલની જાસૂસી સંસ્થા મોસાદ મળીને તેહરાન પર ગમે ત્યારે મોટું ઓપરેશન કરી શકે છે.

વેનેઝુએલા જેવો ડર ઈરાનને સતાવી રહ્યો છે?

‘જો ખામેનેઈ પર હુમલો થયો તો...’ - ઈરાનની ધમકી

સ્થિતિ એટલી તંગ છે કે બંને પક્ષે યુદ્ધની તૈયારીઓ દેખાઈ રહી છે. ઈરાનના રાષ્ટ્રપ્રમુખ મસૂદ પેજેશકિયને દુનિયાને સ્પષ્ટ શબ્દોમાં કહી દીધું છે કે, "જો અમારા સુપ્રીમ લીડર પર કોઈ પણ પ્રકારનો હુમલો થશે, તો તેહરાન તેને સીધું યુદ્ધ ગણશે."

પોતાની સુરક્ષા મજબૂત કરવા ઈરાને 12 જેટલા F-15 ફાઈટર જેટ વિમાનોને જોર્ડન બોર્ડર પાસે તૈનાત કરી દીધા છે. સામે પક્ષે અમેરિકાએ પણ 'યુએસએસ અબ્રાહમ' યુદ્ધ જહાજને મલક્કાની ખાડીમાં ઉતારીને ઈરાન ફરતે ઘેરાબંધી મજબૂત કરી દીધી છે. આ સંઘર્ષની વચ્ચે ઈરાનમાં આંતરિક વિરોધ પ્રદર્શન પણ ચાલી રહ્યા છે, જેમાં અત્યાર સુધીમાં 5000 થી વધુ લોકોના મોત થયા હોવાનો દાવો કરવામાં આવી રહ્યો છે.

આ પણ વાંચો-India China Trade: ભારત ચીન માટે બદલશે પોતાની 'જૂની સ્ક્રિપ્ટ', ટ્રમ્પનું ટેન્શન વધશે? જાણો મોદી સરકારનો નવો પ્લાન