Cyclone Arnab 2026: દેશના હવામાનમાં ફરી એકવાર મોટો અને ચિંતાજનક પલટો જોવા મળી રહ્યો છે. ભારતીય હવામાન વિભાગની લેટેસ્ટ માહિતી મુજબ, બંગાળની ખાડીમાં સર્જાયેલું ડીપ ડિપ્રેશન હવે એક મોટા સંકટ તરફ ઈશારો કરી રહ્યું છે. આ સિસ્ટમ ગમે ત્યારે વાવાઝોડામાં ફેરવાઈ શકે તેવી આશંકા છે. જોકે, આ ડીપ ડિપ્રેશન 100% વાવાઝોડું બનશે જ તેવું નિશ્ચિત નથી, પરંતુ તેની ગંભીર અસરો અત્યારથી જ દેખાવાની શરૂ થઈ ગઈ છે.
શું આવી રહ્યું છે 2026નું પહેલું વાવાઝોડું 'અર્નબ'? 7 જિલ્લામાં શાળાઓ બંધ, જાણો લેટેસ્ટ IMD એલર્ટ
બંગાળની ખાડીમાં ડીપ ડિપ્રેશન 2026ના પ્રથમ વાવાઝોડા 'અર્નબ' માં ફેરવાય તેવી પૂરી શક્યતા છે. ઓડિશા અને આંધ્રમાં રેડ એલર્ટ જાહેર, શાળાઓ બંધ. જાણો લેટેસ્ટ IMD અપડેટ.
અપડેટેડ 05:40:22 PM Sep 23, 2026 પર
IMD ની આગાહી મુજબ, આ વેધર સિસ્ટમ 23 સપ્ટેમ્બરની રાત્રે ઉત્તર આંધ્ર પ્રદેશ અને દક્ષિણ ઓડિશાના તટ પર, ખાસ કરીને વિશાખાપટ્ટનમ અને ગોપાલપુરની વચ્ચેથી જમીન પર પ્રવેશી શકે છે.
જો વાવાઝોડું આવશે તો નામ હશે 'અર્નબ'
હવામાન વિભાગના જણાવ્યા અનુસાર, જો બંગાળની ખાડીમાં ઉદભવેલું આ દબાણ વાવાઝોડાનું ભયાનક રૂપ ધારણ કરશે, તો તેને 'અર્નબ' નામ આપવામાં આવશે. આ વર્ષ 2026 નું પ્રથમ વાવાઝોડું બની શકે છે. આ સિસ્ટમ પશ્ચિમ અને ઉત્તર-પશ્ચિમ દિશા તરફ આગળ વધી રહી છે, જેની સીધી અને મોટી અસર આંધ્ર પ્રદેશ અને ઓડિશાના દરિયાકાંઠાના વિસ્તારો પર પડશે.
ક્યારે અને ક્યાં ટકરાશે આ સિસ્ટમ?
IMD ની આગાહી મુજબ, આ વેધર સિસ્ટમ 23 સપ્ટેમ્બરની રાત્રે ઉત્તર આંધ્ર પ્રદેશ અને દક્ષિણ ઓડિશાના તટ પર, ખાસ કરીને વિશાખાપટ્ટનમ અને ગોપાલપુરની વચ્ચેથી જમીન પર પ્રવેશી શકે છે. આ દરમિયાન દરિયાકાંઠાના વિસ્તારોમાં 55 થી 65 કિલોમીટર પ્રતિ કલાકની ઝડપે તોફાની પવન ફૂંકાશે, જેની સ્પીડ ક્યારેક 75 કિલોમીટર પ્રતિ કલાક સુધી પણ પહોંચી શકે છે.
The Deep Depression over Westcentral & adjoining Northwest Bay of Bengal, moved westwards with a speed of 12 kmph during past 06 hours, and lay centred at 0530 hrs IST of today, the 23rd September, 2026, over the same region near latitude 18.0°N and longitude 84.7°E, about 70 km… pic.twitter.com/GIKjomAyTi
— India Meteorological Department (@Indiametdept) September 23, 2026
ઓડિશામાં હાઈ એલર્ટ: 7 જિલ્લામાં શાળાઓ બંધ
આ સંભવિત વાવાઝોડાની સૌથી વધુ અસર ઓડિશા રાજ્ય પર પડવાની શક્યતા છે. પરિસ્થિતિની ગંભીરતાને જોતા ઓડિશા સરકારે તાત્કાલિક પગલાં લીધા છે.
રાજ્યના 7 જેટલા સંવેદનશીલ જિલ્લાઓમાં શાળાઓમાં રજા જાહેર કરી દેવામાં આવી છે. કોઈ પણ ઈમરજન્સીને પહોંચી વળવા માટે તમામ સરકારી અધિકારીઓની રજાઓ રદ કરી દેવાઈ છે. બચાવ કામગીરી માટે મશીનરી અને ખાસ ટીમોને સ્ટેન્ડબાય રાખવામાં આવી છે.
કયા વિસ્તારોમાં અપાયું રેડ એલર્ટ?
દક્ષિણ ઓડિશાના વિસ્તારો માટે 23 થી 25 સપ્ટેમ્બર સુધી 'રેડ એલર્ટ' જારી કરાયું છે.
23 અને 24 સપ્ટેમ્બર: કોરાપુટ, ગંજમ અને ગજપતિ જિલ્લામાં અતિ ભારે વરસાદની ચેતવણી આપવામાં આવી છે.
24 અને 25 સપ્ટેમ્બર: મલકાનગીરી, નબરંગપુર અને કાલાહાંડી જિલ્લાઓ માટે પણ ભારેથી અતિ ભારે વરસાદનું એલર્ટ અપાયું છે.
આંધ્ર પ્રદેશમાં પણ તંત્ર સતર્ક
માત્ર ઓડિશા જ નહીં, પરંતુ આંધ્ર પ્રદેશના તટીય વિસ્તારોમાં પણ ભારે વરસાદ અને પવનની શક્યતા છે. સિસ્ટમ વિશાખાપટ્ટનમ પાસેથી પસાર થવાની હોવાથી આંધ્ર પ્રદેશ સરકારે પણ તમામ જિલ્લાઓમાં કંટ્રોલ રૂમ શરૂ કરી દીધા છે અને હવામાન પર 24 કલાક નજર રાખવાના કડક આદેશ આપ્યા છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
