પંચતત્વમાં વિલીન થયા સુરોની મલ્લિકા આશા ભોંસલે, પુત્ર આનંદે આપી મુખાગ્નિ, ગીતો ગાઈને અપાઈ અંતિમ વિદાય

Asha Bhosle Funeral: ભારતીય સંગીત જગતનો એક સુવર્ણ યુગ આજે આથમી ગયો છે. સુરોની મલ્લિકા અને કરોડો દિલો પર રાજ કરનાર ગાયિકા આશા ભોંસલે રવિવારે 12 એપ્રિલના રોજ પંચતત્વમાં વિલીન થયા છે. રવિવારે 92 વર્ષની વયે તેમણે અંતિમ શ્વાસ લીધા હતા. સોમવારે પૂરા રાજકીય સન્માન સાથે તેમના અંતિમ સંસ્કાર મુંબઈના શિવાજી પાર્ક ખાતે કરવામાં આવ્યા હતા.

પુત્ર આનંદે આપી મુખાગ્નિ

બીમારી બાદ થયું નિધન

આશા ભોંસલે છેલ્લા કેટલાક સમયથી બીમાર હતા. 11 એપ્રિલના રોજ શ્વાસ લેવામાં તકલીફ થવાને કારણે તેમને મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા. તબિયત વધુ લથડતા તેમને ICU માં શિફ્ટ કરાયા હતા. ડોક્ટરોના જણાવ્યા મુજબ, મલ્ટી-ઓર્ગન ફેઈલ્યોરને કારણે તેમનું અવસાન થયું છે.

View this post on Instagram

A post shared by Manav Manglani (@manav.manglani)

દિગ્ગજોએ અર્પી શ્રદ્ધાંજલિ

આશા તાઈના અંતિમ દર્શન માટે બોલિવૂડ અને રાજનીતિના માંધાતાઓ ઉમટી પડ્યા હતા. મહારાષ્ટ્રના CM દેવેન્દ્ર ફડણવીસ અને અન્ય નેતાઓએ તેમને નમન કર્યા. બોલિવૂડમાંથી રણવીર સિંહ, તબ્બુ, જેકી શ્રોફ, એ આર રહેમાન, શબાના આઝમી, ફરાહ ખાન અને રીતેશ દેશમુખ જેવા કલાકારો અંતિમ યાત્રામાં જોડાયા હતા. ક્રિકેટર મોહમ્મદ સિરાજ પણ તેમને શ્રદ્ધાંજલિ આપવા પહોંચ્યા હતા.

સંઘર્ષ અને સફળતાની સફર

આશા ભોંસલેએ હિન્દી, મરાઠી, બંગાળી સહિત અનેક ભાષાઓમાં 1200 થી વધુ સુપરહિટ ગીતોને પોતાનો અવાજ આપ્યો છે. તેમણે પહેલું ગીત મરાઠી ફિલ્મ માટે પોતાની મોટી બહેન લતા મંગેશકર સાથે ગાયું હતું.

માત્ર 16 વર્ષની ઉંમરે 'રાત કી રાની' ફિલ્મમાં સોલો સોન્ગ ગાઈને તેમણે સંગીત જગતમાં પોતાની મજબૂત ઓળખ બનાવી હતી. આશા તાઈ ભલે આજે આપણી વચ્ચે નથી, પરંતુ તેમના હજારો અમર ગીતો હંમેશા ગુંજતા રહેશે. તેમણે શીખવ્યું કે ગમે તેવી મુશ્કેલીઓ આવે, માણસે પોતાનો 'સુર' ક્યારેય ગુમાવવો જોઈએ નહીં.