દિવાળી બાદ મુંબઈની હવા ખતરનાક, અનેક વિસ્તારોમાં AQI 480ની પાર, દિલ્હીમાં પણ ગંભીર સ્થિતિ

દિવાળીના તહેવાર પછી પટાકાની આતશબાજીની અસર હવે મુંબઈની હવા પર સ્પષ્ટ દેખાઈ રહી છે. રાતના સમયે શહેરના અનેક વિસ્તારોમાં એર ક્વોલિટી ઈન્ડેક્સ 480ને પણ વટાવી ગયો છે, જે 'ગંભીર' કેટેગરીમાં આવે છે. ચાલો જાણીએ કયા વિસ્તારોમાં હવા સૌથી વધુ ખરાબ છે.

રાત્રે આ વિસ્તારોમાં AQI 480ની પાર

આ વિસ્તારોમાં AQI 220ની પાર

બીજી તરફ ચેમ્બુર, કુર્લા, ખેરવાડી અને બાંદ્રા જેવા વિસ્તારોમાં AQI 220 ની ઉપર નોંધાયો હતો, જે 'ખરાબ' (Poor) કેટેગરીમાં આવે છે.

સવારે થોડો સુધારો

સવાર થતાં પ્રદૂષણના સ્તરમાં થોડો ઘટાડો જોવા મળ્યો હતો. દાદર અને માટુંગા વિસ્તારમાં AQI આશરે 100 ની આસપાસ રહ્યો હતો. છતાં, પ્રદૂષણની અસરને કારણે સવારે મોર્નિંગ વોક પર નીકળતા લોકોની સંખ્યામાં નોંધપાત્ર ઘટાડો જોવા મળ્યો હતો.

લોકોના મત વિભાજિત

મોર્નિંગ વોક માટે આવેલા લોકોના પ્રતિભાવ મિશ્ર હતા. કેટલાક લોકોનું કહેવું હતું કે સરકારે પટાકા પર સંપૂર્ણ પ્રતિબંધ મૂકવો જોઈએ.અમુક લોકોનું માનવું હતું કે દિવાળી વર્ષમાં એક જ વાર આવે છે, એક-બે દિવસની તકલીફ સહન કરી શકાય. તહેવારમાં લોકોને પટાકા ફોડવાથી સંપૂર્ણ રોકવા ન જોઈએ.

દિલ્હીમાં પણ ગંભીર સ્થિતિ

માત્ર મુંબઈ જ નહીં, દેશની રાજધાની દિલ્હીમાં પણ હવાની ગુણવત્તા ખૂબ જ ખરાબ થઈ ગઈ છે. દિલ્હીના અનેક વિસ્તારોમાં AQI 400 ની પાર પહોંચી ગયો છે. સવારે 6:30 વાગ્યે શહેરનો AQI 366 નોંધાયો હતો, જે 'બહુ ખરાબ' શ્રેણીમાં આવે છે.

શહેરના અનેક ભાગો ઘટ્ટ સ્મોગથી ઢંકાઈ ગયા હતા, જેના કારણે આકાશ ધૂંધળું થઈ ગયું હતું અને દૃશ્યતા પર પણ અસર પડી હતી. પ્રદૂષણ ઘટાડવા માટે 'એન્ટી-સ્મોગ ગન' દ્વારા પાણીનો છંટકાવ કરવામાં આવી રહ્યો છે.

AQI નો અર્થ શું?

કેન્દ્રીય પ્રદૂષણ નિયંત્રણ બોર્ડ મુજબ AQI ની શ્રેણી આ પ્રમાણે છે:

0 થી 50: સારું (Good)

51 થી 100: સંતોષકારક (Satisfactory)

101 થી 200: મધ્યમ (Moderate)

201 થી 300: ખરાબ (Poor)

301 થી 400: બહુ ખરાબ (Very Poor)

401 થી 500: ગંભીર (Severe)

આ પણ વાંચો-કોંગ્રેસના ચંદામાં 75%નો મોટો ઘટાડો: એક જ વર્ષમાં 386 કરોડ રૂપિયા ઓછા મળ્યા, જાણો શું છે કારણ?