'ટીકાકારોએ મને મારી અંદર જોતા શીખવ્યું', પીએમ મોદીના રાજકીય સફરના 25 વર્ષ પૂર્ણ, સેવા જ્યોતિ કાર્યક્રમમાં કહી આ મોટી વાતો

વડાપ્રધાન નરેન્દ્ર મોદીએ એક ચૂંટાયેલા જનપ્રતિનિધિ તરીકે જાહેર જીવનમાં પોતાના 25 વર્ષ સફળતાપૂર્વક પૂર્ણ કર્યા છે. આ ઐતિહાસિક અવસરે પીએમ મોદીએ 'સેવા જ્યોતિ' કાર્યક્રમમાં હાજરી આપી હતી અને દેશની જનતાને સંબોધિત કરી હતી. 7 ઓક્ટોબર 2001 ના રોજ ગુજરાતના મુખ્યમંત્રી તરીકે શરૂ થયેલી તેમની સફર આજે દેશના વડાપ્રધાન પદ સુધી પહોંચી છે. કાર્યક્રમમાં તેમણે પોતાના અનુભવો અને સંઘર્ષની વાતો લોકો સાથે શેર કરી હતી.

'ટીકાકારોએ મને મારી અંદર જોતા શીખવ્યું'

કાર્યક્રમમાં પોતાના 25 વર્ષના અનુભવો શેર કરતા પીએમ મોદીએ કહ્યું કે, "જ્યારે હું પાછળ વળીને જોઉં છું, ત્યારે મને માત્ર કૃતજ્ઞતાનો ભાવ જ દેખાય છે." તેમણે કહ્યું કે જેણે મને જિતાડ્યો, તેણે મને વિનમ્ર રહેતા શીખવ્યું અને જેણે મને પાડ્યો, તેણે મને ફરી ઊભા થતા શીખવ્યું. શુભચિંતકોએ મને પ્રોત્સાહન આપ્યું અને ટીકાકારોએ મને મારી અંદર જોતા શીખવ્યું. વિરોધ કરનારાઓએ મને લોકશાહીની સાચી તાકાત સમજાવી. મારા જીવનમાં આવેલું દરેક સંકટ મારી ધીરજની કસોટી સમાન હતું અને દરેક સફળતાએ મારી જવાબદારીઓમાં વધારો કર્યો છે.

જનતા જ મારો ભગવાન છે: પીએમ મોદી

2047 સુધીમાં વિકસિત ભારતનો સંકલ્પ

પીએમ મોદીએ જણાવ્યું કે આજે સવારે તેમણે શ્રી વિનાયક મંદિરમાં દર્શન કર્યા હતા. ત્યાં તેમણે 140 કરોડ દેશવાસીઓ માટે પ્રાર્થના કરી અને પોતાના માટે દેશની રાત-દિવસ સેવા કરવાની વધુ શક્તિ માંગી. તેમણે લાલ કિલ્લા પરથી આપેલા 'સબકા પ્રયાસ' ના નારાને યાદ કરતા કહ્યું કે, ભારત 2047 માં ચોક્કસ વિકસિત દેશ બનશે અને આપણે તે કરીને જ રહીશું.

વડનગરની સ્કૂલના દિવસો કર્યા યાદ

પોતાના બાળપણને યાદ કરતા વડાપ્રધાને કહ્યું કે, "જ્યારે હું વડનગરની સ્કૂલમાં ભણવા જતો, ત્યારે ક્લાસમાં સૌથી પહેલા પહોંચનારા વિદ્યાર્થીઓમાં મારું નામ આવતું. શીખવાની એ ધગશ આજે પણ મારા જીવનનો એક મહત્વનો ભાગ છે. હું આજે પણ મારી જાતને એક વિદ્યાર્થી જ માનું છું અને દરરોજ કંઈક નવું શીખવાનો પ્રયાસ કરું છું."

આ પણ વાંચો-એમેઝોન અને ફ્લિપકાર્ટ સેલ: કયા કાર્ડ પર મળશે સૌથી વધુ ડિસ્કાઉન્ટ? ઓનલાઈન શોપિંગ કરતા પહેલા જાણી લો આ 3 કામની વાતો