શાહરૂખ ખાને નવા સંસદ ભવનને કહ્યું 'આશાનું ઘર', PM મોદીએ કિંગ ખાનનો માન્યો આભાર!

Shahrukh Khan on New Parliament Building: શાહરૂખ ખાને તાજેતરમાં નવા સંસદ ભવનનો એક વીડિયો શેર કર્યો છે. આ વીડિયોમાં કિંગ ખાનનો અવાજ છે. આ સંસદ ભવનનો સત્તાવાર વિડિયો છે, જે શાહરૂખ ખાને ગાયું છે. વીડિયોમાં શાહરૂખ ખાન નવા સંસદ ભવનનો પ્રવાસ કરી રહ્યો છે. 28 મેના રોજ વડાપ્રધાન નરેન્દ્ર મોદીએ નવા સંસદ ભવનનું ઉદ્ઘાટન કર્યું હતું. નવા સંસદ ભવનને પૂર્ણ કરવામાં 970 કરોડનો ખર્ચ કરવામાં આવ્યો છે. તેમાં લોકસભા અને રાજ્યસભા માટે અલગ-અલગ ચેમ્બર છે. લાયબ્રેરી, કાફેટેરિયા ઉપરાંત, નવું સંસદ ભવન અન્ય સુવિધાઓથી પણ સજ્જ છે.

શાહરૂખ ખાને નવા સંસદ ભવનને આશાનું નવું ઘર ગણાવ્યું છે. એવું ઘર જ્યાં 140 કરોડ દેશવાસીઓ આપણું બંધારણ સંભાળનારાઓ માટે એક પરિવાર છે. તે એટલું મોટું છે કે તેમાં દરેક શહેર-પ્રાંત-ગામ અને દેશના દરેક ખૂણે જગ્યા છે. આ વોઈસ ઓવરની સાથે બેકગ્રાઉન્ડમાં શાહરૂખ ખાનની 'સ્વદેશ' ફિલ્મનું ગીત પણ વાગી રહ્યું છે. વીડિયોમાં સંસદ ભવનના દરેક ખૂણે તેની વિશેષતા અને લોકશાહીમાં તેના મહત્વ વિશે જણાવવામાં આવ્યું છે.

What a magnificent new home for the people who uphold our Constitution, represent every citizen of this great Nation and protect the diversity of her one People @narendramodi ji. A new Parliament building for a New India but with the age old dream of Glory for India. Jai Hind!… pic.twitter.com/FjXFZwYk2T

— Shah Rukh Khan (@iamsrk) May 27, 2023

વડાપ્રધાન નરેન્દ્ર મોદીએ વીડિયો પર ટિપ્પણી કરી અને લખ્યું- 'શાનદાર અભિવ્યક્તિ! નવું સંસદ ભવન લોકશાહીની મજબૂતી અને વૃદ્ધિનું પ્રતીક છે. તે સંસ્કૃતિ અને આધુનિકતાનું મિશ્રણ છે. શાહરૂખ ખાનનો આ વીડિયો અત્યાર સુધીમાં લગભગ 1.5 કરોડ લોકો જોઈ ચૂક્યા છે. તેના અવાજ અને નવા સંસદ ભવનને જોવા માટે તમામ ચાહકો ખૂબ જ ઉત્સાહિત હતા.