જાણો શું છે 2000 રૂપિયાની નોટ જમા કરાવવાના નિયમો, આ બેન્કો કોઈ ચાર્જ નથી લઈ રહી

2000 Rupee Note: ભારતીય રિઝર્વ બેન્ક (RBI) એ 2000 રૂપિયાની નોટો પાછી ખેંચવાનો નિર્ણય લીધો છે. આવી સ્થિતિમાં, ઘણી બેન્કોએ 2000 રૂપિયાની નોટો બદલવાને લઈને કેટલીક ગાઇડલાઇન જાહેર કરી છે. તમે કોઈપણ બેન્કમાં જઈને 2000 રૂપિયાની નોટ બદલી શકો છો. આરબીઆઈએ કહ્યું છે કે આ નોટો લીગલ ટેન્ડર તરીકે ચાલુ રહેશે. સેન્ટ્રલ બેન્કે આ નોટોને બેન્કોમાં જમા કરાવવા અથવા એક્સચેન્જ કરવાની અપીલ કરી છે. રિઝર્વ બેન્ક ઓફ ઈન્ડિયા (RBI) એ સ્પષ્ટપણે જણાવ્યું છે કે નોટો બદલવા અથવા જમા કરાવવા માટે કોઈ ફી અથવા સર્વિસ ચાર્જ (2000 Notes Deposit Fees) લેવામાં આવતી નથી.

સામાન્ય રીતે, મોટાભાગની બેન્કો કસ્ટમરના રોકડ ટ્રાજેક્શન (થાપણો અને ઉપાડ) માટે સર્વિસ ચાર્જ વસૂલે છે. બેન્કો આ માટે એક નિશ્ચિત રકમ નક્કી કરે છે. જ્યાં સુધી રૂપિયા 2000ની નોટ જમા કરાવવાનો સંબંધ છે, એવું લાગે છે કે તે બેન્કો પર નિર્ભર છે કે તેઓ આવી ફી વસૂલ કરે છે કે નહીં. તે જ સમયે, કેટલીક બેન્કોએ જાહેરાત કરી છે કે તેઓ 2,000 રૂપિયાની નોટ જમા કરાવવા માટે કસ્ટમરો પાસેથી ચાર્જ નહીં લે.

કસ્ટમરો ICICI બેન્કની કોઈપણ શાખામાં અથવા બેન્કના કેશ ડિપોઝીટ મશીનમાં રૂપિયા 2000ની નોટ જમા કરાવી શકે છે. બેન્કે વરિષ્ઠ નાગરિકો માટે ડોરસ્ટેપ બેન્કિંગ સેવાઓ પ્રદાન કરી છે. બેન્કમાં 2000 રૂપિયાની નોટ જમા કરાવવા માટે કોઈ નિશ્ચિત મર્યાદા નથી. આ સાથે 30 સપ્ટેમ્બર સુધી આ પ્રક્રિયા પર કોઈ ચાર્જ લેવામાં આવશે નહીં. બેન્કે વધુમાં કહ્યું કે અમે અમારી શાખાઓમાં વરિષ્ઠ નાગરિકો અને વિકલાંગ લોકો માટે વિશેષ સુવિધાઓ પૂરી પાડી છે. જેથી તેમને 2000 રૂપિયાની નોટ જમા કરાવવામાં કોઈ મુશ્કેલી ન પડે.

કેનેરા બેન્ક

કેનેરા બેન્કે પોતાના કસ્ટમરો માટે મોટા સમાચાર આપ્યા છે. જો તમે 2000 રૂપિયાની નોટો બદલવા અથવા જમા કરાવવા અહીં જાઓ છો, તો કોઈપણ પ્રકારનો સર્વિસ ચાર્જ લેવામાં આવશે નહીં. બેન્કે 100 ટકા સુધી ડિસ્કાઉન્ટની જાહેરાત કરી છે. તમે કરન્ટ એકાઉન્ટ અથવા સેવિંગ એકાઉન્ટમાં પૈસા જમા કરાવી શકો છો.

પંજાબ નેશનલ બેન્ક (PNB)

પંજાબ નેશનલ બેન્ક (PNB)માં રૂપિયા 2000ની નોટો બદલવા માટે કોઈ આઈડી પ્રૂફ બતાવવાની જરૂર રહેશે નહીં. બેન્કે તેની તમામ શાખાઓને સૂચના આપી છે કે તેઓ આધાર કાર્ડ, કોઈપણ ઓફિશિયલ દસ્તાવેજ કે નોટો બદલવા અંગે કોઈપણ પ્રકારનું ફોર્મ ન ભરે.

HDFC બેન્ક

HDFC બેન્કે કસ્ટમરોને મેલ દ્વારા જાણ કરી છે કે 30 સપ્ટેમ્બર 2023 સુધી બેન્કની કોઈપણ શાખામાં 2000 રૂપિયાની નોટ બદલી શકાશે.

બેન્ક 2000 રૂપિયાની નોટ ન સ્વીકારે તો શું કરવું?

જો બેન્ક તમારી 2000 રૂપિયાની નોટ સ્વીકારવાનો ઇનકાર કરે છે, તો તમે બેન્ક મેનેજમેન્ટને મૌખિક અથવા લેખિત ફરિયાદ કરી શકો છો. જો બેન્ક 30 દિવસમાં સમસ્યાનું નિરાકરણ નહીં લાવે તો તમે RBIમાં ફરિયાદ કરી શકો છો. આ માટે, cms.rbi.org.in પર RBIના ફરિયાદ પોર્ટલની નોંધણી કરો.

આ પણ વાંચો - 29 મેના રોજ ભારતીય રેલવેએ આ ટ્રેનોના રૂટ બદલ્યા, આ ટ્રેનો કેન્સલ કરવામાં આવી, જુઓ અપડેટેડ લિસ્ટ