Teacher's Day: આ વર્ષે શિક્ષક દિન નિમિત્તે રાષ્ટ્રપતિ દ્રૌપદી મુર્મુ દેશભરના 75 શિક્ષકોને શિક્ષણના સર્વોચ્ચ સન્માન રાષ્ટ્રીય શિક્ષક પુરસ્કારથી સન્માનિત કરશે. રાષ્ટ્રપતિ દ્રૌપદી મુર્મુ શિક્ષકોને આ પુરસ્કારો આપશે.
Teacher's Day: આજે છે શિક્ષક દિવસ.. અવસર પર રાષ્ટ્રપતિ 75 શિક્ષકોનું કરશે સન્માન
Teachers’ Day : શિક્ષક દિવસનો દિવસ ઘણું મહત્વ ધરાવે છે, કારણ કે તમામ શૈક્ષણિક સંસ્થાઓના વિદ્યાર્થીઓ તેમના તમામ શિક્ષકો પ્રત્યે કૃતજ્ઞતા અને આદર દર્શાવે છે. સમાજના વિકાસમાં શિક્ષકોના અવિશ્વસનીય યોગદાન માટે આ દીવસે તેમનું સન્માન કરવામાં આવે છે.
અપડેટેડ 10:07:25 AM Sep 05, 2023 પર
Teachers’ Day : રાષ્ટ્રીય શિક્ષક પુરસ્કારનો ઉદ્દેશ્ય દેશમાં શિક્ષકોના અનન્ય યોગદાનની ઉજવણી અને સન્માન કરવાનો છે
કેન્દ્રીય શિક્ષણ મંત્રાલય દ્વારા આ માહિતી આપવામાં આવી
શિક્ષક દિન નિમિત્તે જે શિક્ષકોને એવોર્ડ આપવામાં આવી રહ્યાં છે. તેમાં 50 શાળાના શિક્ષકો, ઉચ્ચ શિક્ષણ સંસ્થાઓના 13 શિક્ષકો અને કૌશલ્ય વિકાસ અને ઉદ્યોગ સાહસિકતા મંત્રાલયના 12 શિક્ષકોનો સમાવેશ કરવામાં આવ્યો છે. કેન્દ્રીય શિક્ષણ મંત્રાલયે ત્રણ સ્તરે મેરિટના આધારે તેમની પસંદગી કરાઈ છે. કેન્દ્રીય શિક્ષણ મંત્રાલયના એક અધિકારીના જણાવ્યા અનુસાર, રાષ્ટ્રીય શિક્ષક પુરસ્કારનો ઉદ્દેશ્ય દેશમાં શિક્ષકોના અનન્ય યોગદાનની ઉજવણી અને સન્માન કરવાનો છે. જેમણે તેમની પ્રતિબદ્ધતા અને સમર્પણ દ્વારા માત્ર શિક્ષણની ગુણવત્તામાં સુધારો કર્યો નથી. તેણે તેના વિદ્યાર્થીઓના જીવનને સમૃદ્ધ બનાવવાનું પણ કામ કર્યું છે.
પુરષ્કાર રૂપે શું મળશે?
પુરસ્કાર તરીકે, શિક્ષકોને પ્રમાણપત્ર, રૂપિયા 50,000 રોકડ પુરસ્કાર અને સિલ્વર મેડલ આપવામાં આવશે. આ અવસર પર શિક્ષકોને પણ PM મોદી સાથે વાત કરવાનો મોકો મળશે. દર વર્ષે શિક્ષણ મંત્રાલય 5મી સપ્ટેમ્બરે શિક્ષકોના સન્માન માટે એક કાર્યક્રમનું આયોજન કરે છે. આ વર્ષે ઉચ્ચ શિક્ષણ વિભાગ અને કૌશલ્ય વિકાસ અને સાહસિકતા મંત્રાલયના શિક્ષકોનો પણ સમાવેશ કરવામાં આવ્યો છે.
ગુજરાતમાંથી સૌથી વધુ શિક્ષકો
એવોર્ડ માટે ગુજરાતમાં સૌથી વધુ શિક્ષકોની પસંદગી કરવામાં આવી છે. આ સન્માન માટે ગુજરાતના પાંચ શિક્ષકોની પસંદગી કરવામાં આવી છે. જ્યારે કર્ણાટક અને મહારાષ્ટ્રના ચાર-ચાર શિક્ષકોને સન્માન માટે પસંદ કરવામાં આવ્યા છે. ઉત્તર પ્રદેશ, પશ્ચિમ બંગાળ, બિહાર, તમિલનાડુ અને આંધ્રપ્રદેશમાંથી ત્રણ-ત્રણ શિક્ષકોની પસંદગી કરવામાં આવી છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
