Weather Update: દેશભરમાં ભીષણ ગરમીથી લોકોના હાલ બેહાલ, 123 વર્ષ પછી એપ્રિલ મહિનો રહ્યો સૌથી ગરમ

Hottest Month April: દેશના અનેક વિસ્તારો આકરી ગરમી પડી રહી છે. ગરમીના કારણે લોકો પરેશાન છે. એપ્રિલ મહિનામાં દક્ષિણ ભારતમાં ઘણી જગ્યાએ તાપમાન 45 ડિગ્રી સેલ્સિયસ સુધી પહોંચી ગયું હતું. મોટાભાગના રાજ્યોમાં તાપમાન 40 ડિગ્રીથી ઉપર નોંધાઈ રહ્યું છે. હવામાન વિભાગના જણાવ્યા અનુસાર, 123 વર્ષમાં પ્રથમ વખત એપ્રિલ મહિનામાં સૌથી વધુ ગરમીનો અનુભવ થયો હતો. આનાથી 100 વર્ષ જૂનો રેકોર્ડ તોડ્યો છે. આ વર્ષે એપ્રિલ મહિનો સૌથી વધુ ગરમ રહ્યો હતો. 1901 પછી પ્રથમ વખત, દેશના મોટાભાગના વિસ્તારોમાં એપ્રિલમાં ગરમીનું મોજું મહત્તમ દિવસો સુધી રહ્યું હતું.

મે મહિનામાં પણ લોકોને આકરી ગરમીમાંથી રાહત મળવાની શક્યતાઓ ઘણી ઓછી છે. આ મહિને દેશના મોટાભાગના વિસ્તારોમાં ગરમીનો પારો વધુ ઉંચકાશે. હવામાન વિભાગે મે મહિનામાં 11 દિવસ સુધી હીટવેવ રહેવાની શક્યતા વ્યક્ત કરી છે. જોકે, 2023ને અત્યાર સુધીનું સૌથી ગરમ વર્ષ માનવામાં આવે છે.

એપ્રિલમાં મહત્તમ તાપમાને પણ રેકોર્ડ તોડ્યો

હવામાન વિભાગ (IMD)ના વડા મૃત્યુંજય મહાપાત્રાએ જણાવ્યું હતું કે એપ્રિલમાં દક્ષિણ દ્વીપકલ્પ ભારતમાં સરેરાશ મહત્તમ તાપમાન 31 ડિગ્રી સેલ્સિયસ નોંધાયું હતું. આ 1901 પછી બીજા ક્રમનું સૌથી વધુ હતું. તે જ સમયે, દક્ષિણ દ્વીપકલ્પ ભારતમાં, મહત્તમ તાપમાન 1980 ના દાયકાથી સતત સામાન્ય કરતાં વધુ રહ્યું છે. હવામાન વિભાગનું કહેવું છે કે 2016 થી, ઓડિશામાં આ એપ્રિલમાં 16 દિવસની સૌથી લાંબી સતત ગરમીની લહેર જોવા મળી હતી. 2016 પછીની આ સૌથી મોટી ઘટના છે. એપ્રિલમાં હીટ વેવના દિવસોની સંખ્યા ગંગાના પશ્ચિમ બંગાળમાં 15 વર્ષની ઊંચી અને ઓડિશામાં 9 વર્ષની ઊંચી સપાટીએ પહોંચી હતી.