Dahi Handi 2023: આ જગ્યાઓએ ખૂબ જ ધામધૂમથી કરવામાં આવે છે કૃષ્ણ જન્માષ્ટમીની ઉજવણી, તમે પણ લઈ શકો છો ત્યાંની મુલાકાત

Dahi Handi 2023: આ દિવસે, ભક્તો નવા વસ્ત્રો પહેરે છે અને ભગવાનની વિધિવત પૂજા કરે છે. આ તહેવાર પર લોકો તેમના ઘરને પણ ખૂબ શણગારે છે. જન્માષ્ટમી દરમિયાન ઘણી જગ્યાએ દહીં હાંડી પણ યોજાય છે. માખણ, દહીં અને અન્ય દૂધ આધારિત ખાદ્યપદાર્થો માટીના વાસણમાં મૂકવામાં આવે છે અને આ વાસણને જમીનથી ખૂબ ઊંચાઈએ લટકાવવામાં આવે છે. પછી લોકો તે ઘડા સુધી પહોંચવાનો પ્રયાસ કરે છે અને તે માટીના વાસણને તોડી નાખે છે. દહીં હાંડી ઉત્સવ દરમિયાન લોકોની ભીડ જોવા મળે છે. એવું માનવામાં આવે છે કે દહીં હાંડીનો તહેવાર ભગવાન શ્રી કૃષ્ણના જીવન સાથે જોડાયેલો છે. જો તમે પણ આ વર્ષે જન્માષ્ટમીના અવસર પર દહી હાંડી ઉત્સવનો આનંદ માણવા માંગતા હોવ તો તમે આ ખાસ સ્થળોની મુલાકાત લઈ શકો છો.

બાંકે બિહારી મંદિર

શ્રી કૃષ્ણ મંદિર

શ્રી કૃષ્ણ મંદિર ઉડુપી, કર્ણાટકમાં છે. આ મંદિર દેશમાં જ નહીં વિદેશમાં પણ પ્રખ્યાત છે. આ મંદિર 13મી સદીનું છે. આ મંદિરની સૌથી ખાસ વાત એ છે કે અહીં નવ છિદ્રવાળી બારીમાંથી શ્રી કૃષ્ણની પૂજા કરવામાં આવે છે. એવું માનવામાં આવે છે કે આ નવ છિદ્રની બારી ગ્રહો સાથે જોડાયેલી છે. જન્માષ્ટમી દરમિયાન અહીં ભવ્ય દહીં હાંડીનું આયોજન કરવામાં આવે છે.

ગુરુવાયૂર મંદિર

આ મંદિર કેરળના ત્રિશૂર જિલ્લામાં આવેલું છે. આ સ્થાન ભગવાન કૃષ્ણના કારણે ખૂબ જ ખાસ માનવામાં આવે છે. તે દક્ષિણ ભારતના પ્રસિદ્ધ તીર્થસ્થળોમાંનું એક છે. કૃષ્ણ જન્માષ્ટમીના અવસર પર તમે અહીં મુલાકાત લઈ શકો છો.

ઘાટકોપર

મુંબઈના ઘાટકોપરમાં દર વર્ષે કૃષ્ણ જન્માષ્ટમીના અવસરે ભવ્ય દહીં હાંડી ઉત્સવનું આયોજન કરવામાં આવે છે. આ ફેસ્ટિવલમાં બોલિવૂડની હસ્તીઓ પણ ભાગ લે છે.

આ પણ વાંચો - Eating Fruit at Night: રાત્રે આ ફળોનું ન કરો સેવન, હેલ્થની વાગી જશે બેન્ડ, જાણો યોગ્ય સમય