Apple Obsolete List: એપલનો આ ફોન બની ગયો છે ‘ટેક ભંગાર', કંપનીએ તેને Obsolete લિસ્ટમાં કર્યો એડ, આ આઈપેડ પણ થયું વિન્ટેજ

Apple Obsolete List: જો તમે પણ Appleના iPhone 6 Plusનો ઉપયોગ કરી રહ્યા છો, તો તમારા માટે આ ખરાબ સમાચાર છે. ખરેખર કંપનીએ આ ફોનને Obsolete ગેજેટ્સની યાદીમાં ઉમેર્યો છે. આ લિસ્ટમાં સામેલ થવાનો અર્થ એ છે કે કંપની આ પ્રોડક્ટને કોઈપણ પ્રકારનો સપોર્ટ આપશે નહીં. હવે iPhone 6 Plus માટે ન તો કોઈ હાર્ડવેર ઉપલબ્ધ હશે અને ન તો તેના માટે કોઈ સોફ્ટવેર ઉપલબ્ધ હશે.

આઇફોન 6 પ્લસને Obsolete લિસ્ટમાં ઉમેરવા ઉપરાંત, Appleએ વિન્ટેજ લિસ્ટમાં iPad Mini 4 પણ ઉમેર્યું છે. સરળ શબ્દોમાં કહીએ તો, જો કોઈપણ યુઝર પાસે આ બે ફોન છે, તો તેના પાર્ટ્સ ખરાબ થઈ જશે તો તેને મેળવવામાં મુશ્કેલી પડશે. જો કે, વિન્ટેજ એ Obsolete થવા પહેલાંનો તબક્કો છે. તેથી, યુઝર્સ હવે iPad Mini માટે સોફ્ટવેર અને હાર્ડવેર અપડેટ્સ મેળવી શકશે.

Obsolete અને વિન્ટેજ વચ્ચે શું તફાવત છે?

Apple તેની Obsolete લિસ્ટ અથવા વિન્ટેજ લિસ્ટમાં ઉમેરે છે તે પ્રોડક્ટ્સ માટે વધુ કોઈ જવાબદારી લેતું નથી. આ પ્રોડક્ટ્સની આયુષ્ય સમાપ્ત થાય છે. જો આ ડિવાઇસ આકસ્મિક રીતે ક્ષતિગ્રસ્ત થઈ જાય, તો યુઝર્સ Appleના સર્વિસ સેન્ટરમાં ફોન રિપેર કરાવી શકશે નહીં.